Til hamingju frændi

Ég hef nú ekki lagt það í vana minn að fjalla um framsóknarmenn en ég tel að í þessu tilfelli höfum við íbúar í Fjarðabyggð verið heppnir að fá Jón Björn. Til hamingju frændi.

Jón Björn sigraði í Fjarðabyggð

Dansi, dansi, dúkkan mín ...

Einu sinni átti ég spiladós þar sem ballerína dansaði um sviðið. Hún var í víðum bláum kjól og hvítri blússu. Ég veit aldrei hvað varð af henni og man heldur ekki hvaða lag var leikið þegar búið var að trekkja dósina upp. En ballerínan var flott.

Við sjáum ekki svona ballerínur lengur. Engin alþingiskona kemst í hálfkvist við ballerínuna mína og nú beini ég sjónum mínum að konunum sem gefa kosta á sér í bæjarstjórn í Fjarðabyggð. Skyldi einhver þeirra uppfylla væntingar mínar í líkingu við það þegar ég sleppti ballerínunni lausri?

Kannski hef ég of miklar væntingar til þeirra sem gefa kost á sér bæði til karla og kvenna, kannski, en má ég að ekki? Það er ábyrgðarhluti að vera í sveitarstjórn, kannski meir ábyrgðarhluti en að vera í ríkisstjórn. Þar er alltaf hægt að kenna öðrum um, en það gengur ekki upp í því návígi sem sveitarstjórnarmálin eru.

Dansi, dansi, dúkkan mín …

Og við þreytt á Steingrími

Steingrímur er orðinn þreyttur á “þessu kjaftæði” en málið er að þjóðin er löngu orðin þreytt á Steingrími, og lofræðum hans um sjálfan sig, hann skilur það bara ekki. Enda maðurinn einstaklega sjálfsumglaður og finnur öðrum allt til foráttu. Rosalega hugsa ég oft til Bubba M og lagsins hans; Ekki benda á mig…

Þreyttur á þessu kjaftæði

Flýtur á meðan ekki sekkur

Af hverju að hafa áhyggjur vegna milljarða skulda, almenningur á eftir að borga þetta eins og allt annað. Allt í fína lagi segir eigandinn - ennþá.

Eykt skuldar 44 milljarða

Enga sendiherra

Af hverju í ósköpunum erum við með sendiherra í Lettlandi? Erum við kannski að auðvelda þeim glæpalýð sem við höfum fengið þaðan,að koma til landsins. Burt með þessa sendiherra sem skipaðir eru vegna vina- eða ættartengsla - og burt með sendiherra í stjórnarráðinu.

Nýr sendiherra í Lettlandi

Smánarlegt

Uppboðið í Hafnarfirði í morgun er bara eitt af hundruðum sem lífeyrissjóðirnir hafa boðið í. Ekki bara nú á krepputímum heldur alltaf þegar þeir hafa haft tækifæri til þess. Sjóðirnir hafa snúist gegn félagsmönnum sínum.

Bankakreppu velt á almenning

Betra illt umtal en ekkert

Það er sagt að illt umtal sé betra en ekkert umtal. Eins og þeir segja m.a. í skriðtæklingunum í fótboltanum; betra er að gera illt en ekkert.

Mikill áhugi erlendra miðla

Gjaldeyristekjur

Ég er viss um að þó að við getum ekki með góðu móti myndað 5000 nakta einstaklinga samtímis þá mætti hafa hópinn minni og hafa af því góðar tekjur, jafnvel gæti þetta opnað á gjaldeyristekjur. Smalið saman mestu skúrkum þjóðarinna, ekki smákrimmunum, heldur þá sem stolið hafa milljörðum, myndið þá nakta og seljið palggöt. Hafið Finn Ingólfsson fremstan, hann er svo ógeðslega ógeðslegur.

Yfir 5000 manns köstuðu klæðum

Nú losna störf

Má ekki búast við að með úrskurði um lækkun launa ýmissa forstjóra og forstöðumanna á vegum ríkisins hætti þeir störfum? Bágt á ég með að t´rua að útvarpsstjóri sætti sig við 50% lækkun eða hér um bil. Það má sjá þetta allt á mbl.is

Ný vertíð fyrir hjólbarðasala?

Ætli umferðin gengi ekki snuðrulaus fyrir sér ef bílarnir væru ekki á sumardekkjum. Að þetta skuli þykja fréttnæmt ber ekki vott um góða blaðamennsku. Féll nokkuð snjóflóð á veginn til Sandgerðis?

Annir hjá björgunarsveitunum