Hulda Elma Guðmundsdóttir

Á tvö börn, sex barnabörn og þrjú barnabarnabörn, er sem sagt fjandanum ríkari. Hef starfað að íþrótta- og æskulýðsmálum í marga áratugi. Hef hlotið margskonar viðurkenningar á því sviði og vænst þykir mér um gullmerki ÍSÍ og Þróttar og silfurmerki KSÍ sem ég fékk fyrst kvenna hér á landi. Var líka fyrsta konan sem sat í Landsmótsnefnd á vegum UMFÍ. Haft afskipti af pólitík og sat sem aðalfulltrúi í bæjarstjórn Neskaupstaðar tvö kjörtímabil. Í nefndum og ráðum á vegum sveitafélagsins um árabil. Var formaður Ungmenna- og íþróttasambands Austurlands og varaformaður Blaksambands Íslands. Tók þátt í að koma á samskiptum milli Þróttar og Sandavogs íþróttafélags og í framhaldi af því var tekið upp vinabæjarsamband við Sandavog. Byrjaði að salta síld 12 ára gömul, vann í fiski, í verslun, við skrifstofustörf, var framkvæmdastjóri, ritsjóri og blaðamaður og starfaði sem fréttaritari hjá Svæðisútvarpi Austurlands í nokkur ár. Ýmislegt er ótalið.