Ég ræð -

   og geri bara það sem mér sýnist. Þannig túlkar Blaðið svar menntamálaráðherra við fyrirspurn eins þingmanns um skipan í sérfræðiráð Norræna blaðamannaskólans í Árósum. Og Blaðið lýsir furðu sinni að ráðherra sem er beðinn svara um ákveðin málefni sem varði heila starfsstétt skuli leyfa sér slíkan hroka í svörum. Þessi viðbrögð eru alveg lýsandi fyrir íhaldið sem á tuttugustu og fyrstu öldinni heldur sig við gamla slagorðið stétt með stétt. Eða var það stétt við stétt, eða var það bara gangstétt. Það væri eðlilegast miðað við framkomu forsprakka íhaldsins sem vaða yfir landsins lýð á skítugum skónum. Nei þetta er ekki kosningarskjálfti þetta er föstudagsútrás.

   Og Guðni Ágústsson virðist ekki vera með sjálfum sér þessa dagana. Nú fullyrðir hann að Íslendingar hafi verið misnotaðir af kananum. Kannski óviljandi segir Guðni. “Þetta var alveg óviljandi” segja börnin oft og þá oftast þegar þau vita upp á sig skömmina. Hafa framið skammarstrik. En maður skyldi nú ætla að Guðni Ágústsson væri eldri en tvævetur en hegðan hans að undanförnu hafa vakið upp spurningar um hvort svo sé.

   Klámhundarnir fá ekki að koma til landsins. Bændastéttin ákvað að loka Hótel Sögu fyrir þeim. Ekkert var á hendi um að þetta fólk sem hafði boðað komu sína til landsins hefði eitthvað misjafnt í hyggju. Tvískinnungurinn er alger. Hugsið ykkur bara að það kemur gestur á Sögu. Hann biður um herbergi og fær. Hann spyr í sakleysi sínu hvenær klámfólkið komi og fær þá þau svör að það komi ekki og er sagt um leið og hann fær herbergislykilinn þú verður gjaldfærður fyrir rás sex.

   Mottóið er sem sagt það má leyfa klám, ef mér hentar en annars ekki. Opinberir starfsmenn á vegum ríkisins mega ekki kaupa klám erlendis en það er ekkert sem bannað þeim að gera það hér heima. Thanks God for fridays.

Athugasemdir

[Sólrún Færseth (IP-tala skráð) 23.2.2007 kl. 21:10]

Og Ísland kallar sig lýðræðisveldi ! Hræsnin er allgjör. Hverjir verða  stoppaðir næst. Lesbískar súludandsmeyjar frá Litáen  eða lesbíur sem eru að koma á blakmót á Íslandi um páskanna ? kveðja Sólrún

[Greta Björg Úlfsdóttir, 24.2.2007 kl. 21:08]

Sólrún, síðan hvenær er samasemmerki á milli samkynhneigðar og kláms? Þetta er í annað skipti sem ég les hér á Moggablogginu athugasemd þar sem ýjað er að slíku. 

Að vera lesbía eða hommi er kynhneigð, ekki starfsheiti. Klám"leikarar" hafa hins vegar valið sér að starfa við iðnað sem að miklum hluta er fjármagnaður af mafíósum heimsins. Já, rétt eins og vopnasala og dóp. Ég yrði heldur ekki kát ef vopnasalar ætluðu sér að þinga á Sögu. En því miður eru þeir meiri laumupúkar en svo að þeir auglýsi þá starfsemi sína á heimasíðum.