Konur eruð þið að daðra við Steingrím?

   Mér finnst bráðskemmtilegt viðtalið við Ingva Hrafn í Blaðinu í gær. Hann er alltaf samur við sig, skefur ekki utan af hlutunum en mér þykir vænt um að hann hefði viljað sjá Samfylkinguna í ríkisstjórn með Sjálfstæðisflokknum. Hann segir líka, og ég hef áður sagt að það verða konur sem ráða úrslitum kosninganna í vor. Svo ég haldi nú áfram að vitna í IH þá vill hann meina að þær konur sem hafi yfirgefið aðra flokka og gengið til liðs við VG séu að daðra. Ef karl sýnir konu sinni afskiptaleysi verður konan óánægð og þegar hún fer í næsta boð þá málar hún varirnar aðeins rauðari, setur meiri farða á sig, lyftir pilsinu upp um tvo sentimetra og fer að daðra um leið og hún lítur um öxl til að athuga hvort karlinn sé ennþá jafn sofandi. Jæja konur hvað segið þið við þessu? Ef þið eruð að daðra við Steingrím hættið því þá snarlega og snúið ykkur að því að gera Ingibjörgu Sólrúnu að forsætisráðherra. Konur um konur! 

Athugasemdir

[Úrsúla Manda (IP-tala skráð) 11.3.2007 kl. 20:21]

Mig langar að vita hverjir þessir Gunnar og Bessi eru/voru? Bessi Bjarna eða? Aldrei í lífinu myndi ég kjósa Steingrím, ALDREI!

[Eg. (IP-tala skráð) 11.3.2007 kl. 20:45]

Bessi Bjarnason og Gunnar Eyjólfsson. Heimsþekktir skemmtikraftar á íslandi hér á árum áður!