Ný Fjarðabyggð

Ný Fjarðabyggð verður formlega til í dag. Þá nær Fjarðabyggð frá Mjóafirði í norðri suður á Stöðvarfjörð. Íbúar þessara fjögurra sveitafélaga sem sameinuðust, voru alls 4844 samkvæmt skráningu Hagstofu Íslands 1. desember 2005. Þessi tala fer ört hækkandi og í dag eru skráðir 5522 íbúar í hinu nýja sveitafélagi. Þarna er um að ræða fjölgun um 678 manns. Vonandi ber íbúum þessa nýja sveitarfélags gæfa til að standa saman og líta á allt svæðið sem eina heild. Þá mun þeim farnast vel.