Það er munur að vera maður og ...

Ég var svolítið hissa þegar ég las skipan í nefndir og ráð í hinni nýju Fjarðabyggð. Þó framboðslistarnir hafi verið þokkalega í jafnvægi hvað kynjahlutfall ræðir er það ekki svo í nefndaskipaninni. Það eru sex aðalnefndir eða ráð á vegum sveitarfélagsins. Karlmenn eru formenn fjögurra þeirra en konur tveggja. Það er engin kona í hafnarnefnd sennilega vegna þess að karlmenn þykjast hafa meira vit í þeim efnum en konur. Konur eru í meirihluta í tveimur mjúkum nefndum, fræðslu- og menningarnefnd. Það vekur líka furðu mína að sjá ekki efstu menn Bé og Dé lista í nefndum. Og svo eru auðvitað forseti bæjarstjórnar og formaður bæjarráðs karlmenn. Já það er munur að vera maður og …

Nýtt Snæfell var í póstkassanum í morgun. Flott blað og vel unnið. Það eina sem ég get sett út á er að það skuli ekki vera myndatextar nema bara þar sem stjórnin og framkvæmdastjórinn eru á! Og Austurglugginn var líka í póstkassanum. Enn með þriggja lína fyrirsagnir um ekki neitt. Strákar mínir í Guðs bænum farið þið að laga þetta.

Fór í golf í gærkveldi. Um 15 stiga hiti og völlurinn frábær. Það er fátt betra en vera á Grænanesvellinum á góðum stundum. Hefði sennilega verið farin fyrr inn á völl hefði ég vitað að þar er hægt að horfa á Sýn. Sem sagt að fylgjast með HM í Þýskalandi.

Athugasemdir

[Úrsúla Manda (IP-tala skráð) 15.6.2006 kl. 21:51]

Takk fyrir kveðjuna :)