Bleikt um bleikt ...

Í dag eru liðin 91. ár er liðið frá því konur fengu kosningarétt hérlendis. Þá var miðað við 40 ára aldur. Í dag hafa allir 18 ára og eldri kosningarétt. En það nýta sér hann ekki allir, hvorki konur né karlar. Femínistafélagið afhendir í dag hvatningar-verðlaunin Bleiku steinana, sem hafa undanfarin tvö ár verið afhent þeim sem eru í aðstöðu til að hafa áhrif á gang jafnréttismála hér á landi. Hver fær þau er ekki ljóst á þessari stundu en fullyrða má að það verður ekki ríkisstjórnin. Allir eru hvattir til að klæðast bleiku í dag.

Það er blíða úti, bjart og hitastigið að skríða upp á við tæplega 11 gráður á hinum viðurkennda mæli Veðurstofunnar. Ég átti góða daga á Akureyri, hjá Huldu Elmu og stelpunum hennar. Þær eru algjörar dúllur. Við fórum í bæinn að kvöldi 17. júní og þar átti Amelía Ýr staðinn um stund. Dansaði og dansaði og fangaði athygli margra. Ætlaði að bregða mér í golf en það var ekkert úr því, enda völlurinn að Jaðri rétt að skríða undan vetri.

Til hamingju með daginn konur, til hamingju með daginn Friðrik bróðir, farðu í bleika bolinn þinn!