Blesspartý og stjörnuspá

í jarðarför í dag. Ég er ekki orðin eins meyr og áður við jarðarfarir, en þá átti ég verulega bágt með mig. Ég hef ábyggilega hundrað sinnum talið borðin í gafli kórsins og utan við hann. Þau eru 35 í kórnum og 65 utan á honum. Ég hugsa að ég telji þau ekki aftur því þetta er í fyrsta skipið sem ég man tölurnar. Fór í erfisdrykkju í Sigfúsarhúsinu á eftir og hitta þar margt gott fólk.

Núna les ég stjörnuspána mína nánast daglega og hef gaman af. Í langri lýsingu á steingeitinni segir að; steingeitinni láti best að vinna þar sem hún getur hækkað í stöðu, en ef hún starfar innan stjórnmálaflokks, hentar henni betur að aðrir standi í sviðsljósinu á meðan hún hefur sjálf töglin og haldirnar á bakvið tjöldin. Þetta er alveg frábært. Hugsið ykkur Davíð Oddsson og Smára Geirsson. Báðir fæddir 17. janúar og farið í huganum yfir stjórnmálaferil þeirra. Smári er enn í sviðsljósinu og Davíð togar enn í spottana bak við tjöldin, nú í Seðlabankanum. Mér lét vel að vera kosningarstjóri Fjarðalistans.

Hef ekkert séð litlu trítlurnar Amelíu og Sonju í dag. Þær voru á ferðinni í morgun og ég ekki heima eftir hádegið. Fer í Bleika bikarinn, golfmót, á morgun. Það spáir vel á morgun en i dag hefur verið milt veður og rigning með köflum.