Hvað leynist á loftinu?

Þá styttist í að ég fái Jóhann Frey, Camillu, Maríu Mist og Jóhann Nökkva í heimsókn. Þau lögðu af stað í morgun áleiðis til Akureyrar og ætla að vera þar einhverja daga. Þá koma Hulda Elma og Siggi með stelpurnar sínar, þannig að það verður margt um manninn. Ekki bara yfir Neistaflug, nei Jóhann Freyr og fjölskylda ætla að stoppa fram eftir mánuðinum.

Ég hef verið að velta fyrir mér hvernig ég get nýtt mér þennan gestagang og komist að þeirri niðurstöðu að best sé að tæma loftið. Þar kennir ýmissa grasa, flest hefur legið þar óhreyft frá því að því var “skutlað upp á loftið” sumt fyrir 30 árum, barnaföt og leikföng, gamlar vinyl plötur sem ég vona að einhver vilji eiga, íþróttafatnaður og margt margt fleira. Jú eitthvað er sem fylgdi með þegar við fluttum inn fyrir rúmlega 31 ári. Svo kemur eflaust eitthvað í ljós sem ég verð hugfangin af og tími ekki að henda, er að vona að gömlu síðkjólarnir mínir séu á sínum stað, hárkollan með tjásunum sem kom frá Skagen eða Hirtshals, já og...