Marilyn endurfædd - ekki Laddi

Þá er það staðfest að við endurholgumst! Hvað segir ekki við útförina “af moldu ertu komin…” Nú hefur verið staðfest að Marilyn Monroe öðru nafni Norma Baker er endurfædd. Skoskættuð kanadísk söngkona heldur því fram, að hún sé kvikmyndastjarnan Marilyn Monroe endurfædd. Bandarískur sálfræðingur, sem stundað hefur söngkonuna, er þessu sammála og hefur nú skrifað heila bók um málið þar sem hann rekur ýmsar sannanir fyrir fullyrðingunum. Allt fyrir peningana. Söngkonan bendir á hún hafi fæðst 9 mánuðum eftir að Monroe lést, að því er talið er vegna ofneyslu svefnlyfja. Sálfræðingurinn sem stundað hefur söngkonuna undanfarin sjö ár og dáleitt hana ítrekað er sannfærður um að saga hennar sé sönn. Og það er ekki nóg með að Marilyn sé endurfædd heldur er móðir hennar það líka í líkama dóttur söngkonunnar! Það gerist margt í heimi hér.

Hvað gekk stjórnendum Neistaflugs til að fá Ladda til að skemmta? Útbrunninn að öllu leyti, getur víst ekki einu sinni leikið golf án þess að svindla (segir sagan). Hann kunni ekki einu sinni textana sem hann ætlaði að syngja og var með sömu gömlu lummurnar. Ég var á Akureyri þegar hann var þar á 17. júní og það var úað á hann. Sleppið Ladda, Valgeiri, Erni og hvað þeir allir heita þessir tekjulausu skemmtikraftar. Ég hef það fínt.