Út og suður

Mikið var Stella Steinþórs góð í þætti Gísla Einarssonar, Út og suður, í sjónvarpinu í gærkveldi. Stella var sko ekki að skafa utan af hlutunum. Ég hefði bara viljað að hennar hlutur í þættinum hefði verið lengri. Gísli er mjög góður þáttastjórnandi og ekki síðri fréttamaður.

Strákurinn minn á afmæli í dag. Ekki lengur strákur heldur fulltíða maður og tveggja barna faðir. Hann fór til veiða í Norðfjarðará í morgun en ég veit ekki ennþá afraksturinn. Alveg eru sumir fréttamenn með ólíkindum lélegir í íslensku. Eins og sá sem sagði að sundmaðurinn sem hefur verið að æfa fyrir sund yfir Ermasund hafi lagt árar í bát. Og Björgvin Valur spyr á bloginu sínu hvort þá megi ekki segja um spretthlauparann sem fékk í magann að hann hafi gengið í hægðum sínum í mark!

Það er hæglætis veður, rigning og logn. Betra getur það varla verið eða hvað?