Stúkan á áætlun - en ekki KSÍ

Íslendingar leika knattspyrnu við Spánverja í dag. Eiður verður ekki með. Það var dregið að tilkynna það þar til sólarhringur var til leiks, því Eiður trekkir. Nokkrir aðrir leikmenn gera það líka en Knattspyrnusamband Íslands trekkir ekki. Í öllu því auglýsingafári sem leiknum fylgir hefur fréttamönnum og forsvarsmönnum KSÍ verið tíðræðast um að stúkan í Laugardal verði ekki tilbúin. Verða stólarnir komnir á sinn stað, er búið að selja í á alla og svo framvegis. Þakið kemur svo fyrir leikinn við Dani í september. Allt á áætlun, kannski sumt á síðustu stundu, en er KSÍ á áætlun?

Íslenska karlalandsliðið er í hundaðasta og eitthvað sæti á styrkleikalista FIFA. Íslenska kvennalandsliðið er hundað stigum eða rúmalega það betra! Væri formaður KSÍ skipstjóri væri búið að láta hann taka pokann sinn fyrir löngu. KSÍ veldið þenst út eins og púkinn á fjósabitanum og er margt gott um það að segja. Við fáum peninga frá útlöndum og getum spreðað. Ég legg til að A landslið karla verði lagt niður. Hlúð verði að kvennalandsliðinu og þeim veitt tækifæri til jafns við það sem karlaliðið hefur haft, standi það sig ekki verði það líka lagt niður. Hlúð verði að yngri flokka starfinu jafnt hjá stelpum og strákum. Í framtíðinni gætum við hugsað til þess að eiga A landslið karla í knattspyrnu – en ekki í dag. Eiður getur þetta ekki einn.