Léleg fréttamennska

Það er gúrkutíð hjá fréttamönnum, allavega á NFS. Ekki er talað um annað en að þessi eða hin skýrslan sýni að Kárahnjúkastíflan geti brostið ef – ef – ef. Dregnar eru fram allt að 5 ára gamlar skýrslur og fréttamaðurinn Lára Ómarsdóttir hefur verið iðin við að standa við hlið mótmælenda, allavega er fréttaflutningur hennar langt frá því að vera hlutlaus. Af hverju hafa fréttamennirnir ekki skoðað allar þessar skýrslur fyrr?

Það er tómlegt í kotinu. Jóhann Freyr, Camilla og litli Jóhann Nökkvi fóru í morgun. Mikið sakna ég þeirra en það er að öllum líkindum um mánuður þar til ég sé þau næst. Þau verða að vera duglega að nota barnaland. Þið hin líka!

Sama blíðan. Hitinn rúmlega 15° og blankalogn. Þrátt fyrir þessa blíðu og þá góðu daga sem ég hef átt undanfarið langar mig í tilbreytingu. Fara eitthvað. Ekki endilega á sólarströnd, bara eitthvað. Fer í tvær afmælisveislur í dag og í golfmót á morgun og á sunnudaginn. Það er bara að standa sig.

Athugasemdir

[Sigrún (IP-tala skráð) 18.8.2006 kl. 12:23]

Ég hef tekið eftir því að fréttamaðurinn Lára Ómarsdóttir hefur verið mjög dugleg við koma mótmælendum í fréttir. Er greinilegt hvar hún er í flokki.

[Sigríður Jósefsdóttir, 18.8.2006 kl. 13:19]

Vissir þú að fréttamaðurinn Lára Ómarsdóttir er dóttir Ómars Ragnarssonar?

[Sigrún (IP-tala skráð) 19.8.2006 kl. 00:28]

Þá er ekki að undra hvað hún er mikið í þessum málum.

[Hulda Elma Guðmundsdóttir, 19.8.2006 kl. 08:24]

Takk fyrir þessar athugasemdir. Já ég veit hvers dóttir hún er. Eg.