Ég er Norðfirðingur

Það er þokuslæða í fjöllum og blankalogn. Er nokkurs staðar betra veður en á Norðfirði. Þetta er ekkert grín það er ótrúlegt hvað getur verið mikill veðramunur á milli staða þar sem örfáir kílómetrar eru á milli. Ég held að Neskaupstaður hafi átt flest ef ekki öll hitamet Austanlands í sumar að Hallormsstað undanskildum. En nóg um það, langt frá því að allir séu mér sammála.

Þú ert alveg hrikalegur Íslendingur sagði sonur minn við mig á dögunum og ég svaraði ég er númer eitt Norðfirðingur. Ætli þetta séu þessir margumtöluðu átthagafjötrar? Ég hef þá lent í verri fjötrum en þá!

Er búin að skrá mig á mót á Ekkjufelli á morgun. Vona að ég hafi af, að fara þessar 18 holur en einhver skrattinn hljóp í hnéð á mér í fyrradag og ég geng eins og... Alfa vinkona mín kom í heimsókn í gær og áttum við góða stund saman og Úrsúla og Ingibjörg Ásdís komu í kvöldmat. Talaði svo við pabba og þó það sé árið 2006 heldur pabbi að símtöl kosti það sama og fyrir áratugum. Allavega sagði hann; vertu ekki að tala lengi ég skal hringja í þig. Ótrúlegur - 93 ára gamall.

Athugasemdir

[Jona og fjölsk. (IP-tala skráð) 25.8.2006 kl. 10:20]

Hæ,hæ
Gangi þér vel á mótinu og hafðu það gott
Kv. Jóna Harpa