Viagra fátæka mannsins

Verð að halda áfram á svipuðum nótum og í gær en þá fékk ég næst flestar heimsóknir á síðuna til þessa. Það er mér hins vegar ekkert kappsmál hvað margir heimsækja síðuna, en verð þó að viðurkenna að það kitlar pínulítið egóið því fleiri sem þeir eru.

Úlfaldamjólk hefur hækkað um 100% í verði í tilteknu landi eftir að 88 ára gamall maður upplýsti að hann hefði getið barn eftir að hafa drukkið úlfaldamjólk. Hann segir mjólkina auka frygðina og viti menn nú vilja allir drekka úlfaldamjólk. Má því segja að úlfaldamjólkin sé Viagra fátæka mannsins. Það mætti kannski velta því fyrir sér hvort Kapla mjólkin sem fékkst í dósum hér í den, hafi komið að svipuðum notum. En við því fást engin svör héðan af. Fréttin um úlfaldamjólkina vekur upp margar spurningar meðal annars um ástand þeirra sem ásælast hana og ástand gamlingjans sem gat barnið. Hugsið ykkur þetta er frétt.

Fór í mat í Gauksmýrina í gærkveldi. Dýrindismatur sem við gæddum okkur á í boði heimasætunnar. Þetta var nokkurskonar "stelpukvöld" og var mikið hlegið. Sérstaklega að föndri tiltekins hóps fólks. Drottinn minn!