Home sweet home

Komin heim og er afskaplega ánægð. Sjóferðin með Norrænu var fín, ég að vísu í einhverjum almenningi á 2. hæð en vinkona mín frá Kanada var í herbergi á 8. hæð sem kostaði böns, en svaf ekki vegna veltings! Ég get svo sem ekki sagt að ég hafi sofið vel, leigði þó teppi og kodda, en undir var plast og það var ekki gott að liggja á því. En hvað er ein björt sumarnótt milli vina? Landsýnin var auðvitað stórkostleg og hvað sagði ekki Davíð Stefánsson í kvæðinu um Helgu Jarlsdóttur;  

Upp úr hvítum úthafsbárum,

Ísland reis í möttli grænum,

heilluð grét ég helgum tárum

af hamingju og fyrirbænum.

Við mér blöstu birkihlíðar,

blikuðu fjöll í sólareldi,

aldrei fann ég fyrr né síðar,

fegri tign né meira veldi.

 

– Mér var eins innan brjóst í morgun. – Ísland – best í heimi!

Athugasemdir

[Jóna Harpa (IP-tala skráð) 24.8.2007 kl. 13:28]

Hæ,hæ mín kæra og velkomin heim, alltaf best að koma heim.......sem betur fer því annað væri auðvitað mjög slæmt!

Et kæmpe knus fra Dk.

[Eg. (IP-tala skráð) 24.8.2007 kl. 16:05]

Takk elskan. Muss og klemmur frá mer.

[svanhildur óskarsdóttir (IP-tala skráð) 24.8.2007 kl. 16:54]

Gvöð hvað þetta er flott !!

[Eg. (IP-tala skráð) 24.8.2007 kl. 18:20]

Já, eins og maðue væri staddur á Natur!