Taka veiðina fram yfir ástarleiki

Þrír af hverjum fjórum breskum stangveiðimönnum vilja frekar fara í veiðitúr en sofa hjá mökum sínum.
Meira en helmingur aðspurðra í þeirri könnun sem hér er vitnað í vildi frekar krækja í stóran lax eða silung en eiga ástarfund með ofurfyrirsætu.
Einnig kom og í ljós að stangveiðimennirnir eyddu að meðaltali átta sinnum meira af peningum í stangveiðibúnað en gjafir handa mökum sínum. Þá viðurkenndu 46% veiðimannanna að þeir segðu ósatt um raunverulega stærð fiskanna sem þeir veiddu til að ganga í augun á félögunum.
Hvernig skyldi þetta vera hjá íslenskum stangveiðimönnum, eða bara veiðimönnum almennt?

Athugasemdir

[Edda Agnarsdóttir, 16.9.2007 kl. 09:36]

Sæl Hulda mín. Það er allt of mikið að gera hjá mér, verð að lesa allar færslur þínar seinna, er á bloggrúnti núna. En þessi færsla hér er skemmtileg enda á ég vin sem veiðir mikið og auðvitað set ég hann ósjálfrátt í samhengi við þennan pistil! Langar að sýna honum þetta með þínu leyfi.

Hafðu það gott í dag.

[Eg. (IP-tala skráð) 17.9.2007 kl. 09:36]

Blessuð gerði það endilega.