Pínulítið um blak

Á meðan blakíþróttin á Íslandi fer neðar og neðar á þeim mælikvarða sem við gjarnan miðum okkur við, Smáþjóðaleikana og Norðulandsmótin, fer færeyska blakið upp á við. Okkur hefur verið tamt í gegnum tíðina að líta á Færeyinga sem einhverja skussa í íþróttum, en þetta er ekki rétt. Íþróttum er gert hátt undir höfði í Færeyjum og enn ein skrautfjöðurinn bættist í hatti þeirra í síðustu viku þegar 19. ára landsliðið þeirra varð í 3. sæti á Norðurlandamóti stúlkna.

“Føroysku flogbóltsgenturnar framdu satt bragd í Nevza-kappingini í Randaberg í Noregi um vikuskiftið. Ongantíð áður hevur eydnast okkum at vinna heiðursmerki í hesi sterku kapping, men gongdin seinastu árini hevur bent á, at okkurt gott var í væntu”.

Liðið lék við það norska um 3. sætið og hafði betur 3-1 þrátt fyrir að norsku stelpurnar væru að meðaltali 10 cm. hærri en þær færeysku. Til hamingju Flogbóltasamband Föroyja. Hér á landi er það einn maður öðrum fremur sem hefur staðið að ráðningu landsliðsþjálfara. Hann hefur ýmist nefnt þá útlendinga sem hann hefur komið til starfa hjá BLÍ sem landsliðs- eða aðstoðarlandsliðsþjálfara þess lands sem viðkomandi kemur frá. Af árangri þeirra að dæma, bæði fyrrverandi og núverandi, er líklegra að þeir hafi verið “tuskuteljarar” hjá landsliðunum. Það er þeir hafa tekið búningana saman eftir leiki! Og nú hleypur sjálfsagt hland fyrir brjóstið á einhverjum!

Athugasemdir

[Jóna Harpa (IP-tala skráð) 26.9.2007 kl. 20:04]

Það passar vel að skrifa pínulítið um blak, því það er svo pínulítið þetta árið. Það hljóp ekkert hland fyrir brjóstið á mér. Ég er að fara að keppa á laugardaginn er að vísu ekki lögleg en ég kem til með að heita Mette og svo er eins gott að jeg holder kæft!! ;o)

kv. frá Dk.

[Hulda Elma Guðmundsdóttir, 26.9.2007 kl. 22:49]

Kæra Metta Maja. Já það er gagn að þú haldir kjafti eða bölvir á dönsku, það kanntu örugglega! Þegar ég fór með fyrsta hópinn til Finnlands varð ein stúlkan að fá nýja kennitölu! Alltaf þetta eilífa svindl. Þessa stundina er ég að reyna að útvega mér far til Barcelona frá Egilsstöðum kl. fimm á morgun! Vissi ekki af þessari ferð fyrr en í kvöld svo nú er bara að vona. Gangi þér vel Metta mín.