Með beltið spennt!

Ég veit að ég er stundum svolítið rugluð og finnst það bara gott. Tek yfirleitt ákvarðanir án þess að velta málinu fram og til baka en þó ekki í fljótfærni. Síðdegis í gær heyri ég um ferð til Barcelona í dag klukkan fimm. Ég er að reyna að komast í þá ferð. Finnst með ólíkindum hvernig þetta hefur farið framhjá mér, en það gerðist samt. Þetta er ferð frá Egilsstöðum sem sagt í dag og komið heim aðfaranótt þriðjudagsins. Toppurinn er náttúrulega að fara frá sínum eigin bæjardyrum þurfa ekki að fara til Reykjavíkur, gista og fara svo frá Keflavík.

Nú ég er svo að fara til Tenerife með hálfu hundraði kvenna héðan af Austurlandi síðustu vikuna í október. Það verður að því að ég best veit farið frá Keflavík. Því spyr ég af hverju í ósköpunum er ekki farið frá Egilsstöðum? Það var hægt að fljúga beint til Kaupmannahafnar fram til 1. september og það var hægt að sigla vikulega með Norrænu. Ég hef alltaf sagt að við eigum að versla í heimabyggð, hvort sem það er rauður Opal eða Opel-Astra!

Jæja, það skýrist innan stundar hvort ég fer eða ekki. Það eru til flugsæti en einhver spurning um hótel, og þá líka verð. Bíð með beltið spennt.

Athugasemdir

[Úrsúla Manda , 27.9.2007 kl. 11:19]

Jiii enn spennandi... vonandi kemst þú með. Já það er sko þvílíkur lúxus að geta flogið beint frá Egilsstöðum. Held enn í vonina að þeir bjóði upp á beint flug hingað í kringum jólin. 

[Hulda Elma Guðmundsdóttir, 27.9.2007 kl. 12:12]

Já það er búið að útvega mér **** stjörnu hótel í miðborginni. Hlakka alveg rosalega til og ekki spillir að salan á húsinu er frágenginn, bara eftir að skrifa undir. But, no job is finish before the paperwork is done!!!

Elska að fara svona allt í einu.

[Guðmundur Rafnkell Gíslason, 27.9.2007 kl. 23:25]

Frábært hjá þér! Góða ferð og til hamingju með söluna.

[Jóna Harpa (IP-tala skráð) 28.9.2007 kl. 07:19]

Glæsilegt....!! Innilega til hamingju með söluna, frábært! Ekki slæmt að halda uppá það í Barcelona

Knus frá Dk.

[Úrsúla Manda , 28.9.2007 kl. 12:15]

Til hamingju með söluna... frábært!!

[Edda Agnarsdóttir, 30.9.2007 kl. 08:10]

Ertu þá að flytja burt frá Norðfirði?

[Hulda Elma Guðmundsdóttir, 3.10.2007 kl. 10:09]

Nei Edda mín. Ég er haldin þeim kvilla sem hefur verið kallaður "átthagafjötrar" ef kvilla skyldi kalla. Einu sinni Nobbari alltaf Nobbari!