Flott Svandís

Ég verð nú að segja það eins og er að Svandís Svavarsdóttir er uppáhalds stjórnmálamaður minn. Eini gallinn við þessa skoðun mína er að hún er í röngum flokki. Fyrir mér er þetta hin dæmigerða “pabbapólitík” en pabbi hennar var einn þeirra sem tók ekki þátt í stofnun Samfylkingarinnar heldur klauf sig úr Alþýðubandalaginu ásamt nokkrum öðrum karlrembum – af báðum kynjum – og stofnaði VG, fyrirgefið mér ef mig misminnir!

Mikið óskaplega var Villi væni ömurlegur í sinni varnarræðu sem fjallaði um allt annað en “keisarans skegg”. Hugsið ykkur að sjálfstæðismenn höfðu haft 12 ár til að undirbúa yfirtöku sinni á borginni – en þeir stóðust ekki prófið. Fallnir með 4.9. Það verður fróðlegt að fylgjast með framhaldinu. Tæp 90% þeirra sem hafa lýst skoðun sinni á borgarstjóranum, vilja að hann víki.

Nú ætla ég að hætta áður en Villi fer að gráta í ræðustól!

Athugasemdir

[Edda Agnarsdóttir, 11.10.2007 kl. 18:54]

Hulda mín, við verðum að sameinast öll á vinstri vængnum og berjast saman í einni sæng!

[Hulda Elma Guðmundsdóttir, 11.10.2007 kl. 19:52]

Það er rétt en hvað á króginn að heita? Ég held að stórgóð rææða Svandísar í gær hefi orðið til þess að það er kominn nýr "dagur" í borgarstjórn!