Stoppum þennan innflutning

Það er kannski að bera í bakkafullan lækinn að blogga um þann óþjóðalýð sem hefur að undanförnu sest að hér á landi. Þá á ég við lögbrjóta, já reyndar bara glæpamenn, sem hingað hafa streymt aðallega frá Litháen. Er ekki hægt að stemma stigu við þessum innflutningi. Þetta verður ekki lengur talið til þjóðflutninga, þetta eru hreinlega landflutningar.

Ekki efast ég um að fleiri en færri hneykslast á þessum skrifum mínum. Það eiga allir að vera jafnir, er það ekki? En hversu jafnir? Er í lagi bara af því að þú ert útlendingur, já frá Litháen eða Póllandi, að berja fólk og limlesta á annan hátt, jafnvel að gerast sekur um manndráp? Af hverju er tekið vægar á þessum erlendum einstaklingum sem ítrekað brjóta lög, en ungum íslendingum sem gerast sekir um miklu smávægilegri brot? Erum við orðin svo áttavillt að við þorum ekki að láta til okkar taka í þessum málum? Erum við svo hrædd um almenningsálitið, um álit þeirra sem prédika í sífellu um jafnan rétt allra manna, að við sitjum bara með hangandi haus og látum þetta yfir okkur ganga?

Ég er orðin hundleið á að bera blak af íslenskum lögreglumönnum, en því miður virðast margir þeirra ekki starfi sínu vaxnir. Dómskerfið er alveg út í hött og þyrftu nokkrir dómarar þar á meðal hæstaréttardómarar, að fá fræðslu um siðgæði. Ég vil að við minnsta brot verði þessir glæpamenn frá fyrrgreindum stöðum sendir til síns heima. Ég vil ekki að mínum skattpeningum sé varið til að halda þeim uppi í íslenskum fangelsum ef þeir þá komast þangað, eða að þeir séu á bótum frá almannatryggingum.

Þetta er nú kannski ekki rétta bloggið á sjálfan páskadag, en fyrir þessum glæpamönnum er enginn dagur heilagur. Mannslífið er þeim líka óttalega lítils virði, það sýna uppákomur síðustu daga. Jafnvel blöðin sem hafa lengst af sagt okkur hvers lenskir þeir eru sem komast í kast við lögin, eru hætt því af ótta við almenningsálitið.

Ég er ekki í Frjálslynda flokknum, en verð að viðurkenna að nú á tímum ofbeldis á Íslandi, af hálfu útlendinga, þá höfðar innflytjenda stefna þeirra til mín! Einhverjum verður efalaust að orði; skammastu þín, það gerð ég stundum, en ekki vegna þessara skrifa!

Athugasemdir

[Edda Agnarsdóttir, 23.3.2008 kl. 11:55]

Það er hálf óhugnanlegt hvernig glæpamenn frá gömlu austantjaldslöndunum flæða yfir okkur og önnur lönd líka í Evrópu og reyna að máta sig við samfélagið á þessu nótum eða forsendum. mér skilst að glæpir og svokallaðir mafíósar séu og hafi alltaf verið sterkir í austur Evrópu.

Hef m.a. fregnað í gegn um lögreglu hér að þeir reyni allt hér í gegn um eyturlyfin af því gangverð hér er það hæsta í heimi eða með því hæsta.

Gleðilega páska Hulda Elma.

[Hulda Elma Guðmundsdóttir, 23.3.2008 kl. 12:16]

Gleðilega páska. Það er rétt þetta er óhuggulegt. Ég hef svolítið kynnst fólki frá Austur-Evrópu og veit að mörgum þar er ekkert heilagt, svik, prettir og lygar eru þar hversdagslegir hlutir, en við megum heldur ekki fordæma alla frá þessum löndum, þó ég hafi tekið ansi djúpt í árina! En ég held að Lithárnir séu verstir.

[Jóhanna (IP-tala skráð) 23.3.2008 kl. 12:52]

Átti ekki Schengen-samstarfið að útiloka glæpahyskið? Man ekki betur en að talsmenn þess hafi m.a. notað það sem rök fyrir að vera með í því. Mér er alveg meinilla við þetta frjálsa flæði innan Evrópusambandsins og EES og ég spyr mig hvaða mafía það hafi verið sem hélt byssum við höfuð hæstráðenda í sambandinu þegar Schengen-samningurinn var þróaður og samþykktur. Schengen er pottþértt á topp fimm yfir verstu hugmyndir sem hafa komið út úr þessu Evrópusambandi.

Annars óska ég þér gleðilegra páska Elma. 

[Hulda Elma Guðmundsdóttir, 23.3.2008 kl. 14:52]

Blessuð og gleðilega páska. Jú vissulega átti Schengen sáttmálinn að koma í fyrir þetta frjálsa flæði glæpahyskis, en það hefur ekki gert það. Er þér hjartanlega sammála að þetta samkomulag er eitt það versta sem frá Evrópusambandi hefur komið. En þar ræður spillingin ríkjum, svo mikil er hún að jafnvel mafíósarnir á Ítalíu blikna.

[Úrsúla Manda , 24.3.2008 kl. 14:00]

Gleðilega páska mín kæra