Spennandi verkefni og sport

Þá er ekki mikið eftir nema að pakka til ferðarinnar í fjallaþorpið á Spáni. Hef eytt helginni í tiltekt í tölvunni og byrjaði á spennandi verkefni sem mér var falið í fyrradag. Get ekki sagt nú hvað það er, en mér er það mikill heiður að hafa verið boðið að gera það. Og auðvitað tek ég tölvuna með mér og vinn eitthvað að þessu í fríinu.

 

Mínir menn í KFF urðu að sætta sig við jafntefli í leiknum við Hauka í dag. KFF komst í tvö núll og hafði sigurinn að ég hélt í hendi sér – en því miður. Ég ætlaði svo sem ekki að blogga um íþróttir en get ekki stillt mig. Íslenska kvennalandsliðið í blaki er að keppa á Möltu. Stelpurnar hafa ekki riðið feitum hesti frá viðureignum sínum við Kýpur 3 – 0 og við Möltu 3 – 1. Þær leika í dagvið San Marino sem er í öðru sæti riðilsins. Íslands er neðst án stiga og Malta næst neðst. Þetta er undanriðill í EM smáþjóða. Hafi Ísland sigrað San Marino 3-0 og Kýpur unnið sinn leik gegn Möltu kemst íslenska liðið áfram á kostnað San Marino. En það er rosalega hæpð!

 

Ég held að við eigum ekki að senda lið til svona keppni bara til að senda lið. Með fullri virðingu fyrir landsliðinu, þá er það skoðun mín að þetta lið sé hvorki fugl eða fiskur og væri alls ekki neitt ef fimm af ellefu í liðinu væru ekki frá Neskaupstað.

Athugasemdir

[Bubbi (IP-tala skráð) 18.5.2008 kl. 21:21]

Elsku Elma, njóttu þess að slappa af á Spáni. Ég veit hvaða verkefni þú ert með og það verður með það eins og annað sem að þú gerir, það verður 100 % verk.

[Hulda Elma Guðmundsdóttir, 18.5.2008 kl. 21:25]

Takk vinur. Já auðvitað veistu það ég vona að ég standi undir væntingum. Er að hala niður nokkrum færeyskum lögum til að hafa með mér!!!

[Eysteinn Þór Kristinsson, 19.5.2008 kl. 09:57]

Nei, því miður gekk þetta ekki hjá okkar mönnum, né stúlkum! En það gengur bara betur næst. Hafðu það gott í fríinu.

p.s. Skyndihjálparnámskeiðið hjá 10 bekk er búið og hún Lilja Ester tók myndir ef þú vilt.

[Jóna Harpa (IP-tala skráð) 19.5.2008 kl. 12:44]

Hæ, Elma!! Góða ferð til Spánar.........verður ljúft að komast í sólin Hér er prófundirbúningur í fullum gangi.............og stress í kringum það

Knús Jóna Harpa