Áfallahjálp

Ég man þegar ég heyrði fyrst getið um áfallahjálp. Það var þegar Búnaðarbankinn á Vesturgötunni var rændur. Þá var starfsfólkinu boðin áfallahjálp. Síðan hefur þetta orð verið misnotað svo herfilega að það tekur engu tali sem og áfallahjálpin sjálf. Það spurði mig hótelgestur hér í morgun hvort okkur hafi ekki verið boðin áfallahjálp eftir innilokunina í lyftunni í gærkvöldi. Mér var nú spurn hver hefði átt að gera það. En ég verð að viðurkenna að ég svaf illa í nótt og vaknaði fyrir allar aldir þannig að þetta hefur hreyft meira við mér en ég viðurkenndi í fyrstu. 

Það var skrítið veðrið hérna í dag. Ég fór í langa morgungöngu í sól og blíðu, rétt eftir að ég kom heim á hótel skall á svarta þoka. Íslendingar hér höfðu á orði við mig að þetta væri bara eins og Austfjarðaþokan, vitandi um uppruna minn. Það varð skítakuldi með þessu og létti ekki til fyrr en seinnipartinn.

 Ég er búin að koma öllum farangri mínum hingað fram í stofu og er að herða mig upp í að pakka, Það er auðvitað ekkert mál, bara að byrja.

Athugasemdir

[Edda Agnarsdóttir, 4.6.2008 kl. 17:15]

Ertu ekki orðin gullin og falleg?

[Hulda Elma Guðmundsdóttir, 4.6.2008 kl. 18:21]

Er alltaf falleg, en með aldrinum fær maður ekki þennan fallega bronslit, allavega ekki ég!

[Jóna Harpa (IP-tala skráð) 4.6.2008 kl. 18:22]

Hæ Elma!! Smá frí frá próflestri ;o) Úff ekki gott að sitja föst í lyftu, en spurningin hjá þér í færslunni fyrir neðan um það hver við höldum að hafi haldið ró sinni og stappað stálinu í liðið. Þetta er auðvitað fáránleg spurning hjá þér.............Það er ekki nokkur vafi á því hver það var!!

Hafðu það gott og góða ferð heim!!

ps. það er búið að fella allt flug til Egilsstaða niður í sumar, frændi þinn er að láta Ekspress fá það óþvegið!! Hafði fyrst samband við þá í dag, þurfti oft að telja uppá tíu áður en hann hafði sig í að hafa samband. Þetta er ömurlegt erum að fara með 42 manna hóp og fréttum þetta á netinu!!

[Hulda Elma Guðmundsdóttir, 4.6.2008 kl. 18:30]

Þú gast þér rétt til! Mér finnst alveg rétt hjá þínum manni og mínum frænda að láta þetta flugfélag heyra það. Hafa þeir engar skuldbindingar varðandi svona stóran hóp?

[Jona Harpa (IP-tala skráð) 5.6.2008 kl. 13:42]

Thrainn sagdist bara senda theim reikning uppa rutu, thvi vid viljum koma a føstudegi en ekki sunnudegi. En their bjoda bara uppa rutu a sunnudegi. En forstjorinn sagdi i frettum ad their myndu sja um rutuferdir og tok thar ekki fram ad føstudagurinn væri ekki i bodi. Thannig ad vid høldum bara fast i thad sem hann sagdi i frettum...........ekki hægt ad hafa thad sjalfastara en thad. Thetta hlytur ad skyrast nuna fljotlega eftir helgi.

knus til thin