Jón Gunnar með tvo fingur til himins

Jón Gunnar Eysteinsson dóttursonur minn og miðjumaður Keflvíkinga verður ekki með liðinu næstu tvo mánuðina vegna kviðslits að því að segir á fotbolti.net. Á mynd sem fylgir er strákurinn með tvo fingur til himins en engar bænir á vörum! Meiðslanna varð fyrst vart í janúar en Jón Gunnar var sendur til kviðslitssérfræðings á dögunum og hann úrskurðaði að um kviðslit væri að ræða.

,,Þetta er mikið áfall fyrir liðið og einnig Jón Gunnar sem er liðinu gríðarlega mikilvægur. Við óskum Jóni Gunnari góðs bata og vonandi sjáum við hann sem fyrst á vellinum aftur," segir á heimasíðu Keflavíkur. Jón Gunnar, sem er 21 árs gamall og verður 22 eftir nokkra daga, kom til Keflavíkur frá Fjarðabyggð í vetur. Hann hefur komið við sögu í fjórum leikjum í Landsbankadeildinni í sumar og skorað eitt mark, í 2-1 útsigri Keflavíkur á HK í þriðju umferð. Farðu vel með þig strákurinn minn.

Athugasemdir

[Edda Agnarsdóttir, 15.6.2008 kl. 13:18]

Ææ það var ekki gott - þetta gerist svolítið hjá fótboætaköppunum!

Gaman að vita þessi tengsl þín við kappann, það gerir muninn á því að ég man betur eftir honum og hlakka til að berja hann augum!

[Jón Halldór Guðmundsson, 16.6.2008 kl. 16:07]

Gaman að sjá hvað honum gengur vel. Vonandi nær hann sér fljótt af þessu. Er þetta ekki minni háttar mál í dag?

Kveðjur.

[Hulda Elma Guðmundsdóttir, 16.6.2008 kl. 17:26]

Jú ég helda að þetta sé engin stóraðgerð en það er talið að hann verði frá í tvo mánuði. Ég á eftir að sjá Það!