´A leið til Íslands?

Mér þótti nú nóg um þegar 400 þúsund býflugur urðu strandaglópar á Seyðisfirði. En þessi ósköp eru vonandi ekki á leið til landsins.

Milljónir býflugna sluppu

Athugasemdir

[Einar Steinsson, 1.7.2008 kl. 13:23]

Býflugur eru bestu skinn og engin ástæða til að vera með áhyggjur af þeim. Ég bý í Austurríki og í garðinum við hliðina á mér er gamall maður með býflugnarækt (ég veit ekki hve margar en væntanlega einhver þúsund) og það er nákvæmlega ekkert ónæði af þessum röndóttu nágrönnum. Ólíkt vespum hafa býflugur nákvæmlega engan áhuga á mannfólki og matnum okkar, það eina sem þær gera er að fljúga á milli blóma og safna hunangi. Í leiðinni frjóvga þær gróðurinn og gera þar með mikið gagn.

Það er sjaldgæft að býflugur stingi fólk og þá aðeins að þær telji að á sig sé ráðist, það getur náttúrulega skeð ef við leggjum t.d. höndina óvart ofan á býflugu en fyrir flesta er það ekki hættulegt, aðeins frekar óþægilegt. Býflugan deyr venjulega eftir stunguna vegna þess að broddurinn brotnar oftast af og þar af leiðandi hafa þær yfirleitt engan áhuga á að stinga okkur yfirhöfuð.

Gamli maðurinn nágranni minn notar venjulega engan hlífðarbúning þegar hann er að stússast í búunum sínum t.d. að safna hunangi, hann stendur bara þarna inni í miðjum hópnum og þær virðast láta sér það vel líka, suða bara í kringum hann og láta hann í friði.

[Edda Agnarsdóttir, 1.7.2008 kl. 13:43]

Krúttlegt komment sem þú færð á býflugurnar Hulda mín. Ég er ekki hrædd við býflugur, en það eru margir sem eru yngri og ég held einmitt að þeð sé vegna ruglings við geitunga.

[Hulda Elma Guðmundsdóttir, 1.7.2008 kl. 14:24]

Þetta var fróðlegt Einar og takk fyrir. Ég held að þessi fæð sem fólk hefur á býflugum, í minni bernsku voru þær kallaðar hunangsflugur, sé vegna hræðslu við stungur en það er rétt sem þú segir þær ráðast ekki á fólk "nema þær séu áreittar". Ég held að þessi andúða sem fólk hefur á býflugum hafi komið fyrir landnám geitunga á Íslandi.