Árangursríkt samstarf

Samstarf löggæslunnar á Íslandi og í Færeyjum leiddi til þess að maður var tekin með fíkniefni við komu Norrænu til Seyðisfjarðar í gær. Færeyski Portalurin segir svo frá:

Samstarv millum tollvaldið í Føroyum og Íslandi gjørdi, at ein rúsevnasmuglari bleiv tikin, tá Norrøna kom á Seydisfjørðin í gjár Sambært íslendsku fjølmiðlunum funnu menn hjá løgregluni og tollvaldinum rúsevni í bilinum hjá einum ferðamanni, tá Norrøna kom úr Føroyum til Íslands í gjár. Bileigarin, sum er útlendingur í 60-unum, varð tikin og hevur sitið í varðhaldi í nátt. Guðbrandur Hansson, fulltrúi hjá íslendsku rúsevnaløgregluni, sigur við Morgunblaðið, at løgreglan og tollvaldið hava funnið rættiliga nógv rúsevni í bilinum hjá ferðamanninum, men at tey eru ikki liðug at kanna bilin enn. Sambært blaðnum Vísir er talan um hash og nakað av hvítum pulvuri, sum er annaðhvørt kokain ella amfetamin. Guðmundur Hansson sigur við Morgunblaðið, at hetta málið kann hava samband við eitt annað mál av sami slagi í mai í ár. Hann heldur eisini, at tann tikni maðurin hevur havt samband við eitt ella fleiri fólk í Íslandi. Løgreglan á Seydisfirði sigur, at tað var samstarv millum tollvaldið í Føroyum og Íslandi, sum gjørdi, at smuglarin bleiv avdúkaður.