Mál til komið

Nú standa yfir miklar gatnagerðarframkvæmdir við þjóðveginn í gegn um Neskaupstað og er mál til komið. Vegurinn í gegnum bæinn hefur verið bæjaryfirvöldum til háborinnar skammar, en kannski er þeim vorkunn, þar sem það er í verkahring Vegagerðarinnar að leggja þjóðbraut í þéttbýli. Ég heyrði því fleygt að garðayrkjustjóri sveitarfélagsins hefði varpað fram þeirri spurningu á einum af mörgum fundum með Vegagerðinni, hvort ekki væri rétt að hann þökulegði veginn í gegnum bæinn og Vegagerðin keypti bát til að flytja fólk í miðbæinn! Sel það ekki dýrara en ég keypti það.

Athugasemdir

[Þoka (IP-tala skráð) 5.9.2008 kl. 14:25]

Hehe snilld. Ég hef lengi velt þessu fyrir mér með aðalgötu bæjarins. Bjó nú þarna í næsta nágrenni. Mér finnst eins og þessi bannsetta gata sé búin að vera ónýt síðan ég man eftir mér....