Færeyjar og Tyrkland

Ég er að fara til tveggja ólíkra staða. Annars vegar til Færeyja og hins vegar til Tyrklands. Sumir segja að það sé alltaf rigning eða þoka í Færeyjum, ég er ekki sammála. Mér var í gær boðið í ferð til Færeyja 12. – 16. september. Ég þáði boðið og hlakka mikið til. Það sem helst vefst fyrir mér þessa stundina hvernig ég eigi að púsla þessari ferð saman við Tyrklandsferðina 23. september. Á ég að fljúga heim að Færeyjaferðinni lokinni eða vera fyrir sunnan þessa daga sem eru á milli. Dj... er erfitt að ákveða það.

Ég var svo hissa á þessu boði að ég spurði er þetta alveg víst og svarið var þetta; já, svo framarlega sem allri ferðinni verður ekki aflýst. En á því hafði viðmælandi minn enga trú. Ég verð í för með fjölmiðlafólki sem fer í boði Atlantic Airways og tilgangur boðsins er að vekja athygli landans á Færeyjum. Þá er ég á réttum stað því ég hef verið ákafur talsmaður þess að taka upp mun meiri samskipti við Færeyjar.

Tók áskorun Þóreyjar Péturs og kom mér upp andlitsbók! Er svo hryllileg steingeit að ég þoli ekki áskoranir - án þess að taka þeim.

Athugasemdir

[Kristín í París (IP-tala skráð) 5.9.2008 kl. 23:17]

Ég var einmitt í dag að skrá mig þarna inn sem Parísardaman. En ég skil svo ekkert í því hvernig ég á að tengjast öðrum, ef þú kannt það máttu verða vinkona mín, ef þú vilt...

[Hulda Elma Guðmundsdóttir (IP-tala skráð) 5.9.2008 kl. 23:40]

Blessuð. Ég stóla á að það sé bara um eina Kristínu Jónsdóttir að ræða. Hún (bókin) finnur ekki Parísardama. Kveðja Elma

[Þoka (IP-tala skráð) 6.9.2008 kl. 12:52]

Steingeitur eru auðvita bara snillingar....