Ár frá morðinu á Benazir Bhutto

   Í dag er ár liðið síðan Benazir Bhutto var myrt, en hún lét lífið í tilræði á kosningafundi. Það er svo að ákveðin atvik sitja lengur í huga mér en önnur og ég man fréttina af morðinu á Bhutto eins og það hafi gerst í gær, enda bara ár liðið. E n þetta á líka við um morðið á Kennedy þó 40 ár séu liðin frá morðinu á honum. Ég veit að mörgum er eins farið og mér, geta nefnt stað og stund þegar ákveðnir atburðir hafa gerst.  

Benazir Bhutto gegndi í tvígang forsætisráðherraembætti í Pakistan, fyrst frá 1988 til 1990, og síðan frá 1993 til 1996. Í báðum tilfellum var hún hrakin frá völdum af forseta landsins vegna ásakana um spillingu sem aldrei sönnuðust. Ferill Benazir Bhutto einkenndist af sviptingum. Þegar hún naut mestra vinsælda - stuttu eftir að hún var fyrst kosin í embættið - var hún einn þekktasti kvenleiðtogi heimsins.Hún var ung og glæsileg þegar hún komst til valda og tókst að draga upp ferska mynd af sjálfri sér sem andsvar við karlstýrðu samfélaginu sem hún bjó í.  

Benazir Bhutto var heiðruð í heimalandi sínu og erlendis sem tákn nútímaviðhorfa og lýðræðis. Hún barist gegn ásökunum um spillingu. Þær voru ástæða þess að hún fór í sjálfskapaða útlegð sem hún sneri aftur úr eftir átta ár í október. Hún lét lífið í árás eftir kosningafund í bænum Rawalpindi.

Athugasemdir

[Edda Agnarsdóttir, 27.12.2008 kl. 21:11]

Þjóðfélagið er svo rotið og spillingin mikil að erfiit er að sjá hvað er rétt og hvað er rangt. Þessar konur sem hafa farið fram í Pakistan og Indlandi eru hörkutól og eiga einhverntíma eftir  að verða gerð góð skil í sagnfræðinni.

[Hulda Elma Guðmundsdóttir, 27.12.2008 kl. 22:54]

Það segirðu satt vinkona - en því aðeins að það verði konur sem geri þeim skil í sögunni. Karlarnir halda áfram að skrifa eins og þeir gerðu þegar Íslendingasögurnar voru skrifaðar, eða þegar Bíblían var skrifuð.