Gamlar myndir

Er búin að búa til nokkrar diskamottur fyrir Frú Lúlú. Setti á þær gamlar myndir héðan úr bænum, ennþá eru flestar frá snjóavetrinum 1951 og bátamyndir. Set næst inn myndir frá sundlauginni, þegar hún fylltist af aur og sama flóðið gróf rafstöðvarbrattann í sundur. Var bara 5 eða 6 ára þegar þetta gerðist en man það vel.

Þá áttum við heima í Grænuborg og pabbi og karlarnir í nágrenninu stóðu klukkustundum saman við að hlaða sandpokum til að beina flóðinu frá húsinu. Unglingarnir úr efsta bekk barnaskólans voru fengnir til að hreinsa úr lauginni. Frábær mynd sem Björn Björnsson tók við sundlaugina.