Ekki taka leikföngin af þeim

Nú hefur sannast að gullfiskaminni stjórnmálamanna er raunverulegt. Ekki liðnar tvær vikur frá kosningunum og vinstri flokkarnir þegar farnir að draga í land. Nú á að halda við því, sem útgerðarmaðurinn og sjávarútvegsráðherrann Halldór Ásgrímsson kom á, á sínum tíma, kvótakerfinu. Hvað með allar yfirlýsingarnar um að auðlindirnar séu okkar, fólksins í landinu? Nú þegar útrásarvíkingarnir hafa flúið land, bankastjórarnir komnir í önnur störf, þá á að halda áfram misréttinu. Aumingja útgerarmennirnir, við megum ekki taka kvótann frá þeim. Þá gætu þeir misst sumarhúsin sín á Spáni, sumarbústaðina á vel völdum stöðum, íbúðarhúsið í byggðarlaginu og íbúðina í Reykjavík. Og utanlandsferðunum gæti fækkað. Ekki taka leikföngin af þeim.

Kvótakerfi ekki umbylt

Athugasemdir

[Rúnar Berg Baugsson (IP-tala skráð) 6.5.2009 kl. 11:02]

Skemmtilegt að þú skulir minnast á leikföng þar sem Vilhjálmur Egilson í SA sagði akkúrat að arðgreiðslur til eigenda og laun verkamanna væru ekki leikföngin hennar Jóhönnu þegar hún gagnrýndi ákvarðanir stjórnar HB Granda um að greiða arð og lækka laun á sama tíma. Hreðjartak þessara manna á stjórnmálamönnum er svo mikið að þeir fá að ákveða hver fær öll leikföngin.