Svona getur farið...

Svona getur farið ef gamalmenni eru sett í alltof lítið rými. Segja má að allt sjálfræði sé af því tekið. Svo ég tali nú ekki um þegar það er sent, það sem ég kalla hreppaflutninga, milli stofnana hjá HSA á Austurlandi. Þar eru gamalmennin dregin í dilka, einum hópnum vísað á Seyðisfjörð og öðrum á Eskifjörð. Þriðji hópurinn er svo heppinn af fá að vera ennþá í heimabyggð, í Neskaupstað.

Þetta er ekki sagt af vanvirðingu við sjúkrahúisð á Seyðisfirði eða dvalarheimilið á Eskifirði, því ég veit að fólkinu er veitt góð umönnun. En það að vera rifinn úr sínu umhverfi, frá ættingjum og vinum er skammarlegt og mikil vanvirðing við það fólk sem í þessu lendir.

98 ára kona sökuð um morð á 100 ára herbergisfélaga

Athugasemdir

[Borat (IP-tala skráð) 12.12.2009 kl. 12:41]

Hvort er það róttæknin í þér eða vinstrið sem fær þig til að réttlæta morð á 100 ára gamalli konu?

[Guðmundur St Ragnarsson, 12.12.2009 kl. 13:15]

Við skulum nú vona að íslensk gamalmenni fari ekki að murka líftóruna úr hvort öðru - þrátt fyrir þrengsli?

[Hulda Elma Guðmundsdóttir, 12.12.2009 kl. 14:39]

Kæri Borat þú hefur viljandi eða óviljandi lesið eitthvað annað úr skrifum mínum en stendur hér á blogginu. Það er hvorki róttæknin eða vinstrið sem ég mæli með.

[Kristín Jónsdóttir (IP-tala skráð) 13.12.2009 kl. 00:22]

Það þarf nú að vera alvarlega brenglaður til að lesa einhvers konar samþykki Elmu á morðinu. Hún er einfaldlega að benda á bresti í heilbrigðiskerfinu sem geta leitt af sér vandræði, sé ekki hugað að þeim í tíma.

[Eygló, 14.12.2009 kl. 00:39]

Gætu þær hafa verið orðnir svo góðir vinir að hún hafi fengið herbergisfélagann til að binda enda á verki, fötlun, örvilnan og alla aðra vanlíðan sína?
Hinni hafi ekki þótt það mjög áhættumikið þótt hún fengi lífstíðarfangelsi... yrði varla nema fá ár hjá 98 ára manneskju!!!