Anna á Hesteyri og Nupo Let

Þetta hefði Anna Marta á Hesteyri betur vitað þegar hún krafðist þess að konan sem er eða var utan á Nupo Let pökkunum yrði færð í föt!

Stefnir McDonalds vegna nektarmynda

Ekki í ESB

Mikið er ég fegin að áhugi fólks á að ganga í Evrópusambandið hefu minnkað. Er á móti þessu sambandi og hef alltaf verið. Þetta er bákn sem stækkar og stækkar eins og púkinn á fjóasabitanum, spilling innan stjórnkerfisins er mikil  og er íslensk spilling hégómi miðað við það sem gerist innan ESB.  

Kannski er ég mest á móti þessu vegna þess að þetta er endurvakin hugmynd sem var dæmd til að mistakast. Hvert var markmið Hitlers? Var það ekki ein sameinuð Evrópa? Þeir sem vilja í ESB eru á sama máli og Hitler var, að því undanskildu að nú er ekki talað um "opinberlega" um óæskilega kynþætti! 

Minnkandi áhugi á ESB-aðild

Loksins komið að okkur

Loksins er komið að okkur íslenskum sparifjáreigendum sem viðskiptaráðherra lofaði að fengju allt sitt greitt. Ég og fleiri höfum litið svo á að þarna hafi viðskiptaráðherrann meint allir sparifjáreigendur. Það er nefnilega marg sannað að það var öruggara að eiga í peningasjóði en á bók, sem var að hámarki tryggð að þremur milljónum króna. Nú fá þýskir sitt, breskir og hollenskir hafa fengið sitt og röðin loksins komin að okkur, íslenskum munaðarlausum kjósendum.

Þjóðverjar lána Íslandi

"Davíð sér um sína"

Ég trúi þessu alveg á Júlíus Hafstein. Hann sagði orðrétt við mig þegar ég spurði hann hvað hann færi að gera eftir, það sem margir vilja kalla þjóðvegahátíðina, "Davíð sér um sína".

Efasemdir um hlutverk forseta 17. júní

Kennedy myrtur

Í dag eru 45 ár síðan John F. Kennedy forseti Bandaríkjanna var myrtur. Mörgum er eflaust farið eins og mér að muna nákvæmlega hvar ég var stödd og hvað ég var að gera þegar ég heyri fréttina í útvarpinu. Ég held að engin andlátsfregn hafi komið við hjartað í svo mörgum. Þó get ég sagt aðþegar Benazir Butto var myrt fyrir tæplega ári síðan fann ég sömu tilfinningarnar. Hæfileikaríkur þjóðarleiðtogi var myrtur. Öllum gögnum um morðið á Kennidy er haldið leyndum og verður það svo til ársins 2017 en þá verða öll sköl gerð opinber.

Það er hald margra að Lee Harvey Oswald hafi verið einn að verki, en allavega samsæriskenningar hafa verið uppi. Til dæmis að Castro hafi staðið að baki morðinu eða ameríska mafían. Skrifaðar hafa verið margar bækur um morðið og gerðar um það kvikmyndir. Nú svo skaut næturklúbbaeigandinn Jack Ruby, Oswald og svo var Ruby skotinn. Fullkomin samsetning af amerísku alríkismorði.

 

Ekki leiðum að líkjast

Óskarsverðlaunaleikkonan Helen Mirren (63) hefur viðurkennt að hafa aldrei haft áhuga á því að eignast börn og þó svo að hún hafi ekkert á móti því að passa gríslinga af og til sé hún ógurlega ánægð þegar hún getur skilað þeim aftur til foreldranna. Helen telur að ástæðu þess að hún sé lítið móðurleg megi rekja til myndbands af barnsburði sem henni var sýnt í skólanum þegar hún var þrettán ára gömul. „Það var hrikalegt og ég mér bauð við barnsburði eftir það.“

*

Anna Marta á Hesteyri er með svipaðar skoðanir og Óskarsverðlaunaleikkonan. Það kemur fram í ævisögu Önnu sem er nýkomin út. Þar segir Anna að hún hafi ekki viljað fara í happdrætti með líf sitt. Og hún heldur áfram; Ástarlíf mitt, það má setja stórt, svart strik yfir það! Það hefur aldrei verið til! Mér finnst það andstyggilegt! Að fara að bindast, láta kannski fara með sig eins og skepnu, eins og mér skilst að það sé. Einhvern veginn verða börnin til. Það er óhugnaður. Hanga svo saman á þessu alla ævina.

*

Já Helen Mirren má þakka fyrir að vera borin saman við Önnu á Hesteyri.

Vá, rosalegur dráttur!

Ekki lék lánið við íslenska kvennalandsliðið í knattspyrnu þegar dregið var í riðla Evrópumótsins sem fram fer í Finnlandi næsta sumar. Íslenska liðið lenti í erfiðasta riðlinum í keppninni með heimsmeisturum Þjóðverja, Noregi og Frökkum. Landsliðsfyrirliðinn og þjálfarinn eru  á því að allt sé mögulegt í þessum efnum. Við höfum sigrað Frakkana sagði þjálfarinn og að leika við heimsmeistara Þjóðverja er bara áskorun sem við tökum. Svona á að horfa á málin

Ég ætla að fá eitt svona loðið

Sem búandi í Neskaupstað alla mína ævi fer ekki hjá því að ég muni eftir Önnu á Hesteyri og ég man líka vel eftir Láru, mömmu hennar. Ég man það eins og það hafi gerst í gær þegar ég átti fyrst orðaskipti við Önnu. Þá var ég 14 ára gömul og var að vinna í bakaríinu hjá Línu og Sigga.

Þær mæðgur komu í bakaríið, ekki man ég hvað þær keyptu, en Lára fór út á undan Önnu, þurfti að skreppa yfir götuna í SÚN  og Anna varð eftir. Hún leit yfir sæta brauðið sem var útstillt á borði bak við afgreiðsluborðið og sagði svo; ég ætla að fá eitt loðið. Ég man að ég hváði og hún endurtók með niðurbældum hlátri; ég ætla að fá svona, eitt loðið. Ég man að mér var ekki alveg sama, það var ekkert loðið að fá í bakaríinu, svo ég sagði við hana komdu bara hérna inn fyrir og sýndu mér hvað þú ætlar að fá. Anna kom inn fyrir afgreiðsluborðið, það kraumaði í henni hláturinn, hún gekk að borðinu með sætabrauðinu og benti á kókos kúlurnar og sagði “ég ætla að fá eitt svona”. Hún hafði aldrei séð kókos kúlur fyrr og var furða þótt henni hafi fundist þetta vera eitthvað loðið.

Siggi bakari sem hafði fylgst með þessu í gegnum glugga sem var á milli brauðgerðarinnar og búðarinnar, kom fram settir nokkrar kókos kúlur í poka og rétti Önnu.

*

Ég tók viðtal við Önnu á dögunum, það mun birtast í Austurglugganum á fimmtudaginn, þar segi ég frá þessum fyrstu kynnum mínum af henni.

Mær lengist

Mikið rosalega var ég ánægð með þáttinn “Gott kvöld” á laugardaginn. Flott að fá systur og pabba Eivörar í þáttinn, alveg æðislegur þáttur. Í tilefni þessa setti ég inn hérna tónlistaspilara þar sem ég setti inn uppáhaldslag mitt með söngkonunni, Mær lengist, hlustið þið bara.

Ég hef svo sem ekki alltaf verið sátt vi'ð söngkonuna, sérstaklega ekki þegar hún mætti ekki í áður boðaða þátttöku í Trúbador hátíðinni. En það er fyrirgefið.

Ekki benda á mig...

Það vakti athygli mína þegar ég horfði á Kastljós í gær að aðal gestur þáttarins, sjálfur útrásarvíkingurinn númer eitt, var ekki í teinóttum jakkafötum, það er sem sagt ekki lengur töff að vera í teinóttu. Reyndar var það eina sem vakti athygli mína þegar upp var staðið, því maðurinn sagði bókstaflega ekki neitt, sem aðrir höfðu ekki sagt á undan honum; ekki benda á mig.