Ekki tilbúin að lækka launin sín

Meirihlutinn í bæjarstjórn Fjarðabyggðar var ekki tilbúinn að samþykkja launalækkun. Tillaga þess efnis var borin fram á fundi bæjarstjórnar 11. desember. Það voru fulltrúar Sjálfstæðisflokksins sem fluttu tillöguna en í henni sagði meðal annars: “Bæjarfulltrúar Sjálfstæðisflokksins leggja til að bæjarfulltrúar í Fjarðabyggð taki á sig 15 % launalækkun fyrir árið 2009. Einnig hvetjum við fulltrúa í nefndum á vegum sveitarfélagsins sem og æðstu embættismenn til að gera það sama”.

Framsóknarmaðurinn Þorbergur Hauksson lagði þá fram eftirfarandi tillögu: “Undirritaður leggur til að tillögu bæjarfulltrúa Sjálfstæðisflokks verði vísað til fjárhagsáætlunargerðar”  

Tillaga Þorbergs var samþykkt með 6 atkvæðum meirihlutans gegn 3 atkvæðum minnihlutans.

Það er merkilegt með tilliti til þess að meirihlutinn kennir sig við jafnrétti og bræðralag skuli ekki samþykkja tillögu Sjálfstæðismanna sem þýðir einfaldlega að meirihlutinn er ekki tilbúinn að lækka launin sín. En vonandi sér hann að sér og gerir það við gerð fjárhagsáætlunarinnar.

Einn nefndarmaður í Fjarðabyggð, Bjarney Hallgrímsdóttir. Hefur óskað eftir því að laun hennar sem nefndarmanns MÍF verði lækkuð um 15 % til 1. júní 2009.

Hvað erum við að kvarta um bruðl?

Umframt ríkisumboðsmannin Dan Knudsen og íslendska sendiharran

Eiður Gudnason eru í løtuni

 

12 konslar í Føroyum:

Annfinn V. Hansen, týskur aðalkonsul

Árni O. Dam, rusiskur aðalkonsul

Bjørn á Heygum, svenskur aðalkonsul

Dennus Hentze, brasilskur konsul

JohanPáll Joensen, estlendskur konsul

Julianna Klett, franskur konsul

Julianna Leonsson, hollendskur konsu

Magni Arge, italskur konsul

Petur Even Djurhuus, norskur aðalkonskul

Poul Michelsen, finskur aðalkonsul

Tummas Hanus Dam, bretskur konsul

Uni Danielsen, grikskur konsul

 

Færingar eru um 48 þúsund.

Nýr alíslenskur jólasveinn - Bankaskellir

Siðleysið algjört

Þetta heita víst viðskipti og sálfsagður hlutur þegar bankaræningar og stórfyrirtæki eiga í hlut. En það er ekki minnst á að bankarnir stálu af þeim viðskiptavinum sínum, sem áttu sparnað sinn í peningasjóðum bankanna tugum milljóna króna. Við sem áttum þessa peninga getum kannski keypt þá til baka á brunaútsölu. Fengið 44% afslátt af verðmæti upphæðarinnar?

Skuldabréf eigenda 20% af sjóð

Ekkert kynlíf takk, við erum bresk

Samkvæmt nýjustu könnun eru Bretar mestu kyntröll í heimi, Þjóðverjar fylgja þeim fast eftir en Hollendingar eru í þriðja sæti. Þetta er niðurstaða rannsóknar sem unnin var undir stjórn Davids Schmitts, prófessors í sálfræði við Bradley háskóla og er birt í vísindatímaritinu New Scientist Magazine. 14 þúsund manns tóku þátt í verkefninu, fólkið lýsti ástafari sínu og blíðubrögðum, fjölda rekkjunauta og tíðni kynmaka. Skemmst er frá því að segja að Bretar og Þjóðverjar bera af á þessu sviði. Niðurstaðan kemur ýmsum á óvart. Fyrir nokkrum árum fór bresk kvikmynd sem eldur í sinu um gjörvalla heimsbyggðina, sem heitir: "No Sex Please We´re British".

En aðeins meira. Munið þið eftir sjónvarpsþáttunum með Gesti Einari þar sem meðal annars var spurt um ástarlíf fólks. Auðvitað óformleg könnun en var samt birt þegar þáttunum lauk. Þá kom í ljós að Egilsstaðabúar gerðu “það” sjaldnast, eða að meðaltali 1.8 sinnum í viku. Mig minnir að Húsvíkingar hafi gert “það” oftast. En hvað um það, mér datt þetta í hug:

*

Illt mér þætti að fara að hátta

eins og asna, utangátta.

Ætla ástar að njóta

en um hugsanir hnjóta;

hvort var ég búinn með 1 eða 1.8

Lélegastur

Er nokkur furða þó Árni M. Mathiesen sé talin lélegasti bankamaður heimsins? Hann hlýtur að bera talsverða ábyrgð á því að Íslands er orðin ein skuldsettasta þjóð í heimi.

 

Vissi ekki um tilboð Breta vegna Landsbankans

Og sjá...

Á vissan hátt finn ég til með Davíð Oddssyni, honum er ekki sjálfrátt. Það eina sem hann á eftir að gera og segja, fara í hvítan kufl, láta sér vaxa skegg (ekki þó nauðsynlegt) og segja; fylgið mér ég er hinn nýji kristur.

Davíð: „Þá mun ég snúa aftur"

Burt með útvarpsstjórann

Ég vil reka útvarpsstjórann, Pál Magnússon. Hann á ekkert erindi í útvarp allra landsmanna.

Í áskorun sem ferðaþjónustuaðilar á Norðurlandi sendu á forsvarsmenn Ríkisútvarpsins er sú ákvörðun Páls Magnússonar, útvarpsstjóra, að leggja niður svæðisútvarp landshlutanna harðlega gagnrýnd. Þar segir meðal annars: ,,Að leggja svæðisútvarpið niður er gróf aðför að íbúum landsbyggðarinnar og klár skerðing á þjónustu við fyrirtæki á landsbyggðinni. Ef áform útvarpsstjóra ná fram að ganga er í raun verið að setja heftiplástur yfir munn landsbyggðarinnar, skerða lífskjör, tækifæri og sjálfstæði okkar".

Þetta er alveg rétt og með öllu óskiljanlegt það vald sem útvarpsstjóri hefur, sem er nánast ótakmarkað eftir að Ríkisútvarpið, útvarp allra landsmanna var gert að OHF. Við hérna fyrir austan munum vel hvað við misstum mikið þegar Stöð 2 hætti þjónustu sinni hér eystra og nú þegar útvarpið okkar, eigum við ekki að segja að svo sé, hættir landsbyggðarþjónustunni.

Það er einn jákvæður punktur í þessu, kannski rennur tími héraðsfréttablaðanna upp aftur. Það væri vel því þar er sagan skráð, hún er að hluta til hjá útvarpinu en verður aldrei það sem héraðsfréttablöðin voru.

Til hamingju með daginn

Er ekki rétt að byrja á því að óska þjóðinni til hamingju með 90 árin. Vonandi er þess minnst með viðeigandi hætti og allt tal um inngöngu í ESB hljóðni. Innganga okkar í ESB er fullt afsal á sjálfstæði þjóðarinnar, um það þarf enginn að efast.

Er ekki í neinu bloggstuði en ætla samt að eins að láta vita af mér. Hef eytt nokkrum dögum í skemmtanir, át og leti. Fór til Akureyrar og var það í nokkra daga. Var heilan dag á náttfötunum einum fata eftir heimkomuna. Fór svo í gær á aðventutónleika Kórs Fjarðabyggðar, ásamt barnakórum frá Eskifirði, Norðfirði og Reyðarfirði, að þeim ógleymdum Diddú og Agli Ólafssyni. Frábær skemmtun fyrir troðfullri kirkju- og menningarmiðstöð.

Inga T diskurinn kom loksins í hús í gær, réttara sagt nokkrir tugir diska en aðalsendingin hefur væntanlega komið í dag. Gerði svolítið af auglýsingum og jólakortum í dag og ætla að fara annað kvöld í Egilsbúð þar sem SÚN mun úthluta styrkjum, væntanlega til menningar- íþrótta- og tómstundamála. Svolítið öfugt við það sem er að gerast í þjóðfélaginu, sem sagt ekkert krepputal.

Hver er Gréta Ingþórsdóttir?

Þetta er bara eðlileg fyrirspurn í ljósi einknkavinavæðingarinnar.

Aðgerðir kynntar eftir helgi