Gæðingastarf - hvað er gæðingur?

Það verður spennandi að sjá hver hlýtur þetta starf. Ég er þess fullviss að það verður einhver gæðingur innan ríkisstjórnarflokkanna, líklega sjálfstæðismaður. Það verður líka spennandi að sjá nöfn þeirra sem sækja um starfið. Eflaust verða þar kunnuglega nöfn því það er oftast sama fólkið sem er á höttum eftir svona stöðuveitingum. Þeir sem ekki fá stöðuna og þeir eru fleiri en þeir sem fá, sækja svo um næstu stöðu og svo koll af kolli.

Ég er minnug þess þegar auglýst var eftir framkvæmdastjóra fyrir átaksverkefnið sem hér var í gangi. Á fjórða tug umsókna bárust. Fljótlega eftir þetta var auglýst eftir bæjarstjóra, á þriðja tug umsókna bárust. Næst var auglýst var eftir sveitarstjóra í pláss á Suðurfjörðum, enn barst fjöldi umsókna. Það merkilegasta við þetta var að það voru alltaf sömu nöfnin á meðal umsækjenda og aldrei nein kona! Forstjóri Landsvirkjunar verður að vera "gæðingur" og helst að eiga nokkra gæðinga og vera með þekkingu til að umgangast þá. Hver er þá maðurinn?

Starf forstjóra Landsvirkjunar auglýst

Athugasemdir

[Edda Agnarsdóttir, 31.8.2008 kl. 10:37]

Elma mín, það þarf að breyta þessu með umsóknarferlið, það væri ekki úr vegi að mynda kvennahóp sem sækir um þessar stöður líka! Þá yrðu þær kannski gæðahryssur eða ljósmæður.

[Hulda Elma Guðmundsdóttir, 31.8.2008 kl. 14:17]

Það er athugandi Edda mín og auðvitað erum við réttu konurnar í það! Það er vonandi að einhver kona sæki um starf forstjóra Landsvirkjunar, eru ekki alltaf fleiri og fleiri konur að útskrifast sem tæknifræðingar og allt það, svo er Rannveig Rist með menntun í þetta?

[Jón Bragi (IP-tala skráð) 1.9.2008 kl. 11:03]

Ég fatta ekki alveg þessa umræðu. Hvernig á konum að fjölga í þessum stöðum ef einsog þú segir Hulda að ekki ein einasta kona sæki um?

Og þú Edda, "breyta þessu með umsóknarferlið" "kvennahóp sem sækir um þessar stöður"? Geta ekki þær konur sem langar í þessi störf einfaldlega sótt um þau einsog aðrir eða eiga þær að sækja um sem hópur.

Í þeirri sýslu sem ég er alinn upp í eru 4 sveitarfélög og í þremur þeirra eru konur sveitarstjórar og ég veit ekki til að neinn "kvennahóp" hafi þurft til að koma þeim í þær stöður. Þær einfaldlega sóttu um starfið eins og margir aðrir og fengu það vegna eigin verðleika.

[Hulda Elma Guðmundsdóttir, 1.9.2008 kl. 15:10]

Þessar umsóknir sem ég var að tala um voru á árunum í kringum 1990, það hefur margt breyst síðan. En það er þó svo aðþað eru karlar sem ráða í stöðurnar og þeir hafa ríka tilhneigingu til að ráða karla. Þar sem þú varst alinn upp Jón Björn eru fyrirmyndarkonur og gengna starfinu - að mínu mati - betur en margir karlmenn.

[Jón Bragi (IP-tala skráð) 1.9.2008 kl. 16:57]

Mér finnst nú aumingja köllunum ekki gefin mikill séns á að ráða annað en kalla ef engin kona sækir um...

En kannske eru fleiri konur farnar að sækja um þessar stöður í dag.

Ég var nú kannske óþarflega grimmur og orðljótur við þig varðandi Pólverjana og kannske las ég eitthvað allt annað útúr skrifum þínum en þú meintir. Bið afsökunar á því.

P.s. Veist þú hvar ég er alinn upp?

[Hulda Elma Guðmundsdóttir, 2.9.2008 kl. 11:24]

Blessaður. Það eru ekki margar sýslur sem hafa 3 konur sem sveitarstjóra.

Elma