Aðgerðir

Ég skil ekki hvað þetta fólk á við þegar það segir: „Rjúfum þögn ráðamanna og göngum til lýðræðis.“ Mér finnst ekkert hafa vantað á innhaldslausar yfirlýsingar þeirra. Yfirskriftin hefði átt að vera " Við viljum aðgerðir"

Þögn ráðamanna mótmælt

Athugasemdir

[Hallgerður Pétursdóttir (IP-tala skráð) 25.10.2008 kl. 17:43]

Einmitt. Það gerum við með kosningarrétti okkar á fjögra ára fresti.

[Stefán Lárus Pálsson (IP-tala skráð) 25.10.2008 kl. 18:06]

Þjóðin er í sjokki, við vorum slegin niður óviðbúin af skjólstæðingum yfirvalda, sem handléku fjöregg þjóðarinnar gáleysislega, og brutu það. Við erum að ranka við okkur, erum þó enn rugluð og ráðvilt, vitum ekki hvað bíður okkar annað en blákaldur raunveruleikinn í formi skuldabagga, atvinnuleysis óðaverðbólgu og mikillar lífskjara. Gulldrengirnir eru búnir að stela sparifénu okkar., óáreittir, og myrkrahöfðingjarnir sitja sjálfsumglaðir og ósnertanlegir á gullstólum í Svörtuloftum. Landstjórnin þorir ekki að hrófla við þeim.Er óeðlilegt að við sauðsvartur almúginn látum heyra  í okkur. Einhverstaðar veður að byrja. Við hljótum að rísa upp og láta að okkur kveða svo eftir verði tekið, og óreiðugarður íslenskra stjórnmála verði hreinsaður af því ógeðfelda illgresi sem er mest áberandi og er búið að kaffæra geðfeldari nytjajurtir. Við sitjum ekki aðgerðarlaus lengur.

[Hulda Elma Guðmundsdóttir, 25.10.2008 kl. 18:57]

Takk fyrir innleggið. Það er bara svo Hallgerður að við erum svo fljót að gleyma. Er ekki talað um Gullfiskaminni kjósenda? Ef efnt yrði til kosninga á morgun væri ég munaðarlaus. Get ekki hugsað mér að kjósa neinn af þeim pólitíkusum sem nú eru á þingi. Ég þakka bara Guði fyrir að lýðskrumarinn Jón Baldvin skuli ekki vera þar líka.

Eru ekki flestir búinir að gleyma að það voru Guðni Ágústsson, Halldór, Ásgrímsson,  Davíð Oddsson og  Geir H sem stóðu að einkavinavæðingu bankanna, sem nú er að koma okkur í koll.

Það er eitt ráð núna sem dugar. Þjóðnýta fiskveiðikvótann!

Stefán Lárus þú ert alltaf jafn málefnalegur.

[Haraldur Bjarnason, 26.10.2008 kl. 08:24]

Elma, ég hef nú ekki verið helsti stuðningsmaður Jóns Baldvins í gegnum tíðina en svei mér þá ef karlinn hefur ekki staðið upp úr í þeim umræðum sem farið hafa fram um útrásarliðið að undanförnu.