Við Jóhanna fengum Rússneska kosningu

   Segja má að Jóhanna Sigurðardóttir hafi nánast fengið Rússneska kosningu í prófkjöri Samfylkingarinnar í Reykjavík. Nánast en ekki alveg, en það fékk ég hins vegar í formannssæti Félags eldri borgara á Norðfirði. Glimrandi stuðningur og þá er bara að standa sig. Finnst svolítið skrítið að vera formaður í þessum annars ágæta félagsskap. Hef til þessa verið í formennsku félaga þar sem ungt fólk er í meirihluta. En það eldist líka, ekki satt?

   Ég vona að í kjölfar þessarar glæsilegu kosningu gefi Jóhanna kost á sér sem formaður Samfylkingarinnar. Ég er sátt við mitt hlutskipti og mun ekki beita mér fyrir pólitískum vinnubrögðum í mínu starfi, sem formaður. Verður ekki kosið aftur að ári?

Athugasemdir

[Kristín í París (IP-tala skráð) 15.3.2009 kl. 21:59]

Innilega til hamingju. Auðvitað stendur þú þig með prýði og auðvitað eldumst við öll, og elskumst.

[Rósa Skarphéðinsdóttir (IP-tala skráð) 17.3.2009 kl. 22:16]

         Til hamingju með formannsstólinn Elma min.Þú átt örugglega eftir að standa þig vel ef ég þekki þig rétt.Er svo bara ekki málið að mæta í Hveragerði,með öllum hinum gamlingjonum eftir tæpar tvær vikur.K.V.