Ekki heill...

Það er ótrúlegt að Mbl. skuli detta í það fúafen að halda uppi vörnum fyrir Davíð Oddsson, nema því aðeins að fréttamenn blaðsins hafi ekkert til að skrifa um og éta þess vegna upp eins og páfagaukar það sem Davíð sagði, trúi því samt tæplega, held frekar að ritstjóri blaðsina sé að kaupa sé velvild Davíðs. Fyrir margt löngu var íslenskur stjórnmálamaður úrskurðaður geðveikur. Það sem hann lét út úr sér er eins og sunnudagshugvekja miðað við það sem DO hefur látið út úr sér að undanförnu!

Víkingar með Samfylkingu

Ég á svo bágt!

Mikið er Þorgerði Katrínu mikil vorkun að vera svona blind. Halda að almenningur kaupi tregafullar frásagnir hennar af veikindum dóttur sinnar og málefnum Kristjáns. Pottþétt er að almenningur hefur samúð með veikindum dótturinnar en ekki með fjármálamógullnum Kristjáni Arasyni eða Þorgerði sjálfri. Hún mærir ennþá Davíð Oddsson og ekki síður Geir Harede sem samkvæmt lýsingum hennar gæti verið Kristur endurborinn. Er virkilega hægt að vera svona innmúraður í íhaldið að blindu slær á bæði augu?

Skattmann er mættur aftur

Ég ætla að styðja L listann

Ekki benda á mig...

Það er með ólíkindum hvað íhaldið er iðið við að benda á aðra en sjálfið sem sökudólga. Mér dettur bara í hug hvort þetta gæti upp til hópa verið fæðingargalli hjá þeim sem aðhyllast stefnu og strauma Sjálfstæðisflokksins! Man eftir að blaðamaður sagði einu sinni "að vera Framsóknarmaður væri fæðingargalli"  getur það ekki líka átt við um Íhaldið?

Mistök gerð við einkavæðingu

Estrogen eða testosteron?

Stæði heimurinn nú standa fyrir stærstu niðursveiflu síðan í kreppunni miklu ef estrogen hefði haft meira vægi umfram testosteron?

Við eigum lífeyrissjóðina

Forstjóri Lífeyrissjóðs verslunarmanna er, þrátt fyrir fjórðungslækkun launa, launahæsti forstjóri íslensks lífeyrissjóðs. Starfskjör hans fela einnig í sér bifreiðahlunnindi sem hann að sjálfsögðu nýtir. Á sama tíma þurfa eldri sjóðsfélagar sennilega að horfa upp á skerðingu á lífeyrisréttindum sínum. Eldri borgurum, 65 ára og eldri, og aðstandendum ofbýður þessi framkoma við fólkið. Hvernig stendur á því að enn eru ákveðnir einstaklingar að sukka með peningana okkar?

Við þökkum fyrir hreinsanirnar í Fjármálaeftirlitinu og Seðlabankanum en verkinu er ekki lokið. Það þarf að taka til í lífeyrissjóðunum svo þeir geti gegnt því hlutverki sem þeim er ætlað, að tryggja sjóðsfélögum góð lífskjör á efri árum. Velferð eldri borgara veltur á því að peningarnir þeirra séu notaðir rétt í þeirra þágu. Aldraðir hafa ekki efni á að borga hæstu laun á Íslandi.

Jóhanna, nú hefur þú tækifæri til að standa við orð þín um að velferð aldraðra gangi fyrir. Það er líka spilling í lífeyrissjóðakerfinu, þar þarf að taka til.

Við viljum endurskoðun á lífeyrissjóðakerfinu strax. Það gengur ekki að lífeyrisgreiðslurnar okkar séu notaðar til að borga sukk örfárra einstaklinga í stað þess að þær séu nýttar í okkar þágu. Við höfum fengið nóg.

Hvet ykkur til að skrifa undir þessa áskorun frá Helga í Góu.

Nú fæ ég að ráða

Mér er til efs að samþykkt verði á Landsfundi Samfylkingarinnar að boðið skuli upp á óraðaða lista í komandi kosningum, en ef það verður gert fagna ég því. Þá fæ ég að ráða hvernig listinn kemur til með að líta út en uppröðunin verður ekki í samræmi við framapot sumra frambjóðendanna. Þetta er spor í lýðræðisátt, sem er að ég held of seint framkomin. En svo á ég eftir að ákveða hvort ég kýs Samfylkinguna og það er annað mál.

Framboðslisti samþykktur með fyrirvara

Hver dansar í kjólnum mínum?

Hugsa sér að hægt sé að tapa meira en milljón ferðatöskum og senda allt að 42 milljónir á ranga staði. Það hafa sennilega margir ekki vitað hvað þeir eða í hverju þeir dönsuðu næstu jól!

Flugfélög týndu milljón ferðatöskum

Skyldið þá til að landa heima

Framkvæmdastjóri fiskmarkaðarins í Grimsby á Englandi segir komu íslenskra togara mikla búbót fyrir bæinn. ,,Þetta eru góðar fréttir fyrir höfnina hér, fiskmarkaðinn og bæinn í heild." Ég hefði haldið aðnær væri að þessum skipum væri fyrirskipað að landa afla sínum hér heima og þá til fullvinnslu. Það er ekki nóg með að íhaldið og framsókn hafi gefið fáum útvöldum fiskinn í sjónum, heldur hafa þeir líka leyfi, allir sem einn til að leika sér eins og útrásarvíkingarnir óáreittir. Aka um á Landcrusier, eiga sumarbústaði og íbúðir í Reykjavík, fara í fleiri en eina utanlandsferð á ári, en búa á heimaslóðum og kvarta og kveina yfir örlögum sínum. Búnir að selja kvótann, sem þeir fengu gefins, Allvega þekki ég nokkra svoleiðis. Hvaða sjávarútvegsráðherra ætli þori að taka á kvótamálinu?

Íslenskum skipum fagnað í Grimsby

Við Jóhanna fengum Rússneska kosningu

   Segja má að Jóhanna Sigurðardóttir hafi nánast fengið Rússneska kosningu í prófkjöri Samfylkingarinnar í Reykjavík. Nánast en ekki alveg, en það fékk ég hins vegar í formannssæti Félags eldri borgara á Norðfirði. Glimrandi stuðningur og þá er bara að standa sig. Finnst svolítið skrítið að vera formaður í þessum annars ágæta félagsskap. Hef til þessa verið í formennsku félaga þar sem ungt fólk er í meirihluta. En það eldist líka, ekki satt?

   Ég vona að í kjölfar þessarar glæsilegu kosningu gefi Jóhanna kost á sér sem formaður Samfylkingarinnar. Ég er sátt við mitt hlutskipti og mun ekki beita mér fyrir pólitískum vinnubrögðum í mínu starfi, sem formaður. Verður ekki kosið aftur að ári?