Eflum heimamenninguna

   Ég hef stundum haft á orði að ekki sé nægilega mikið að gert til að halda fólki saman. Fá það til að deila sögum frá liðnum dögum, hittast og ræða málið. Hef ég bent á að safnahúsið, gamla netagerðin, sé tilvalin til þessara nota.

   Ég hef minnst á að hafa sjómannakvöld. Þar verða fengnir eldri sjómenn sem hafa frá mörgu að segja. Þetta þurfa ekki að vera sögur af svaðilförum, nei heldur af mannlegum þáttum sjómennskunnar. Hérna eru margir góðir sögumenn sem hafa frá ýmsu að segja, fáist þeir til þess. Aldrei verður of mikið gert af því að fjalla um álfa og huldufólk og er bókin hans Hálfdáns á Kirkjumel gráupplögð til að styðjast við

   Mér dettur þetta í hug núna aftur þegar ég les um uppákomu hjá Róðrafélagi Miðvogs í Færeyjum sem efnir til svipaðrar uppákomu í húsi félagsins. Þar verða sagðar sögur frá sjóræningjatíðinni eins og þeir frændur okkar og vinir kalla það, fjallað verður um þann stöðuga ótta sem fólk bjó við vegna komu sjóræningja. Sagt verður frá stöðum í byggðinni þar sem fólk faldi sig fyrir þessum vágestum. Þeir munu sýna muni sem tengjast komum sjóræningja til Miðvogs. Til að kóróna kvöldið fara fundargestir þangað sem kappróðrarbátarnir standa og gæða sér þar á harðfirski, kartöflum og spiki, en það var aðalmáltíð Færeyinga á þessum árum. Harmonikku félag Miðvogs mætir á staðinn og lagið tekið.

   Hvað getum við gert hér?

Loftbóla

þetta er allt of seint framkomið og er því bara "loftbóla"

Býður sig fram til formanns Sjálfstæðisflokks

Var þjófurinn kominn í buxurnar?

Sendum hann strax í afplánun, þetta var ekki nærri því nógu mikið til að hann gangi laus!

Stal peningakassa og kvenbuxum

Hvern andskotann á ég að kjósa?

Hugsið ykkur að ég komminn var farin að renna hýru auga til íhaldsins í NA kjördæmi, var farin að gæla við að kjósa Tryggva Þór. Hugsaði með mér að þó hann væri löngu brotfluttur þá væri hann ennþá Nobbari og mér sýndist þetta vera eina tækifæri mitt til að koma einhverjum tengdum Fjarðabyggð í þingsalinn. En svo bregðast krosstré sem önnur tré og eftir lestur og hlustun á framkomu Tryggva sem sérstaks efnahagsráðgjafa ríkisstjórnarinnar, er ég ekki alveg að kaupa það sem hann segir og skrifar. Ég verð bara að láta mér nægja að amma dómsmálaráðherrans sé frá Bár og afi borgarstjórans úr gamla prestshúsinu. Nær kemst ég ekki að þekkja valdamikla fólkið!

Tryggvi Þór: Greinir frá fjárhagslegum tengslum sínum

Eftir hverju er beðið?

Þær hrannast upp upplýsingarnar um brask "útrásarvíkinganna" bæði innlendra sem erlendra. Hvað þurfa stjórnvöld, fjármálaeftirlitið, saksóknari, svo ég tali nú ekki um ríkisvaldið, meira en fram er komið til að koma böndum á þessa menn? Þá á ég við að þeir verði færðir til yfirheyrslu og þeir sakfelldir í kjölfar þeirra upplýsinga sem þá fást. Því það leikur enginn vafi á að þeir eru sekir um fjármálamisferli. Blæs á frasann; menn eru saklausir þar til sekt þeirra er sönnuð. Þessir menn eru í hugum allra Íslendinga sekir um það ástand sem nú ríkir. Á sama tíma baða þeir sig í illa fengnum auðæfum sínum erlendis.

500 milljarðar til eigenda

Villandi auglýsingar

Síminn auglýsir grimmt þessa dagana um “aðgerðaáætlanir” fyrirtækisins fyrir fólkið í landinu. Mér er spurn eru ekki til lög um villandi auglýsingar? Allavega er stundum verið að refsa ferðaskrifstofum fyrir villandi tilboð, en tilboðin frá símanum eru einstaklega villandi og jafnvel röng en eflaust láta einhverjir blekkjast.

“Fyrir þá sem hringja oft í heimasíma úr GSM símanum er Núll í alla heimasíma fyrirtaks sparnaðarleið” en neðanmáls stendur 1.290.- á mánuði.

Sex vinir óháð kerfi. “Þetta er kjörin leið fyrir þá sem nota farsímann langmest til að hringja og senda SMS í sama hóp vina og ættingja.  Hægt er að velja sex GSM símavini, óháð því hvort þeir eru innan kerfis Símans eða viðskiptavinir annarra farsímafélaga”. Neðanmáls stendur 1.990.- á mánuði. 

Sælkjum peningana í skattaskjólin

Þið munið afmælisveislurnar sem útrásar víkingarnir svokölluðu héldu. Engu var til sparað og ýmist flogið í einkaþotum til Karabíska hafsins, í skattaskjólin sem þessir menn áttu þar og eiga kannski ennþá, eða þá að heimsfrægum skemmtikröftum var teflt fram í fagurlega skreyttum vöruskemmum. Enginn skemmtistaður var nógu stór fyrir flottheitin.

Nú ætlar einn mesti núlifandi glæpmaður sögunnar, Robert Mugabe, að halda upp á 85 ára afmælið sitt. Veislan sú verður að vísu, að sögn, aðeins fyrir nána vini og stuðningsmenn kostar einhverjar litlar 30 milljónir króna. Athugið að þetta er opinber tala.

Á sama tíma biður Simbabwe um tveggja milljarða króna styrk vegna efnahagshruns og skæðra smitsjúkdóma sem hafa dregið mörg þúsund Simbabvebúa til dauða.

Útrásarvíkingarnir okkar báðu ekki um styrk þeir skildu hinsvegar hundruð heimila og þúsundir einstaklinga eftir í sárum. Og lifa nú í vellystingum í höllunum sínum erlendis. Er ekki kominn tími til að sækja þessa menn til saka? Þeir verða alltaf þjófar í augum almennings – fyrr en sakleysi þeirra verður sannað!

Landlæknir segir að sækja eigi féð í skattaskjólunum

Góðar fréttir

Það eru góðar fréttir ef DO fer fram í Suðurlandskjördæmi. Það er stundum talað um að fara úr "öskunni í eldinn" og á það við hér ef DO kemur í stað dýralæknisins. Gleðilegar fréttir fyrir andstæðinga íhaldsins.

Davíð í framboð á Suðurlandi?

Þú fékkst SMS

Ég er ekki ein um það að taka eftir hvað alþingismennirnir eru yfirleitt að gera þegar þeir sitja í sætum sín á þingi, annað en að hlusta. Þeir eru yfirleitt að senda eða taka á móti SMS. Konurnar gera meira af þessu en karlarnir og hefur fyrrverandi menntamálaráðherra verið iðin við kolann. Margir atvinnurekendur hafa bannað notkun GSM síma í vinnunni, af hverju ekki á Alþingi?

Stal ekki nógu miklu

Er þetta ekki réttarkerfið í hnotskurn. Nauðgarar, barnaníðingar og aðrir glæpamenn ganga lausir, vikum og mánuðum saman. Þeir fá ekki einu sinni dóma í takt við brot þeirra loksins þegar dómsvaldinu dettur í huga að taka mál þeirra fyrir. Til að sleppa við refsingu verðuru að stela nógu miklu, milljónum eða milljónatugum. Og svo færðu starf hjá Vinstri grænum.

Skilorð fyrir þjófnað úr vínbúð