Hvenær hætti Neskaupstaður að vera Neskaupstaður?

 Það fer alveg óskaplega í taugarnar á mér sú árátta, sem ég kýs að kalla svo, hjá stjórnendum sveitarfélagsins að kalla Neskaupstað alltaf Norðfjörð. Jú Neskaupstaður stendur við Norðfjörð, það er alveg rétt, en ég spyr hvaða rétt hafa stjórnendur sveitarfélagsins til að leggja nafnið Neskaupstaður niður? Hafa íbúar Neskaupstaðar verið spurðir álits? Ekki mér vitandi. Þeir hafa svo sem ekki verið spurðir álits á mörgum öðrum gerðum sveitarfélagsins.Eskfirðingar voru ekki spurðir álits þegar bæjarskrifstofunum var lokað það. Ég er efins um að kosnir fulltrúar sveitarfélagsins, svo ég tali ekki um aðra stjórnendur, viti hvað orðið “íbúalýðræði” þýðir. Allavega finnst mér það ekki vera í heiðri haft í Fjarðabyggð.

Meira kynlíf og oftar fullnæging

Segja má að ólíkt hafist þeir að íslenskir og sænskir vísindamenn. Þarna er leitað að gleðigjafanum en hjá ÍE er verið að skoða elliglöp, eða minnissjúkdóma eins og það heitir víst. Getur verið að þeir sem tóku þátt í sænsku rannsókninni hafi bara verið búnir að gleyma hvað oft þeir gerðu það eða hvenær?

Meira kynlíf og oftar fullnæging

Ég á von á...

Þeir hafa lengi átt von á sér veðurfréttamennirnir á Stöð 2 og sér eiginlega ekki fyrir endann á þeirri bið. Hver einast setning úr þeirra munni byrjar svona; ég á von á að það verði... eða þá; ég á ekki von á að það verði... eða; ég á fastlega von á að það...

Þetta er rosalega fátæklegur orðaforði sem þeir búa yfir og þeir klifa endalaust á þessum frasa. Af hverju ekki að segja; búast má við, eða reikna  má með, sennilega verður... og svo framvegis. Þessar setningar sem byrja; ég á von á.,.. kemur mér til að finnast að þeir sem eru að segja veðurfréttirnar séu að setja sig í einhverja Guða tölu, eins og ég ætla að hafa... Ófrískar konur eiga von á sér en andsk... ekki Siggi stormur!

 

Á vissan hátt má segja þetta sama um íþróttafréttaritara. Þeir hamast alltaf á sömu frösunum s.s. þrumaði boltanum í netið. Þeir virðast hafa Margréti Láru á heilanum. Þessi frábæra knattspyrnukona á allt gott skilið, en það eru fleiri í liðinu sem hún er í og það er annað lið með jafnmörgum leikmönnum á móti.

 

“Gravidi maðurin” er niðurkomin

                                                     Thomas Beatie

Ef þetta væri karlalið...

Það er náttúrulega hreinn fyrirsláttur hjá framkvæmdastjóra HSÍ að ekki hafi verið gert ráð fyrir þessu. Það hlýtur að vera að farið hafi verið í keppnina með þeim tilgangi að komast áfram. Ég er viss um að þessi staða hefði ekki komið upp ef um karlalið hefði verið að ræða.

Fer Ísland á HM?

Leyfum þeim ekki að tjalda

Enn einu sinni megum við búast við einhverjum lýð til að mótmæla þessu og hinu sem við gerum hér á eigin landi. Mótmæla því sem því sem þessum lýð kemur ekkert við. Síðasta villta landsvæðið í Evrópu, það er naumast. Ég tel að þarna séu á ferðinni lýður sem aldrei hefur migið í saltan sjó eða difið hendinni í kalt vatn, kann ekki landafræði og því síður að það virði rétt eða skoðanir annarra. 

Saving Iceland með aðgerðabúðir

Hver á svo svarta gullið?

Iðnaðarráðherra var kotroskinn í sjónvarpinu í kvöld þegar hann lýsti því yfir að Íslenska vatnið yrði í framtíðinni “svarta gull norðursins”. Á fjölmörgum stöðum er nú verið að kanna möguleika til vatnsútflutnings, menn misjafnlega vel á veg komnir og nokkrir hafa þegar hafið útflutning.Í þessari umræðu er aldrei minnst á hver eigi “svarta gull norðursins”? Er það ríkið, landeigandinn eða sá sem lætur vatnið á flöskurnar? Fyrir okkur sem eigum ekki kost á að hafa hag af þessu “svarta gulli” er fróðlegt að fá svör við þessu. Héraðsdómur Austurlands hefur hafnaðnýlega kröfu eigendum tveggja jarða á Jökuldal að eignarréttur yfir vatnsréttindunum væri þeirra. Kröfunum var hafnað með tilvísun í afsalsbréf frá árinu 1918 en þar segir að undanskilið við sölu jarðarinnar, sem fram að því var kirkjujörð, væru fossar svo og námur sem eru í jörðu eða síðar kunna að finnast þar svo og allt vatnsafl og notkunaraðstaða þess í landi jarðarinnar. Landeigendum hafði aldrei verið kunnugt um ákvæðið og kom það ekki fram annars staðar, en  þinglýsingarbók tilgreindi sóknaraðilana eigendur jarðanna án nokkurra ákvæða.Kannski eru þessi vatnsréttindi, sem Össur segir að eigi eftir að gefa okkur milljarða, þegar komin í eigi þeirra auðmanna  sem hafa verið að kaupa jarðir í stórum stíl á undanförnum árum.

Þróttur - SÍF

Um þessar mundir eru 40 ár liðin frá fyrstu heimsókn Sandavogs íþróttafélags til Neskaupstaðar. Myndirnar frá heimsókninni eru ennþá í kassa niður í geymslu frá flutningnum í haust. Þetta var annaríkt sumar hjá mér. Undirbúningur fyrir Landsmót UMFÍ að Eiðum stóð sem hæst og þangað ók ég daglega til að vinna að því. Oft komu stelpurnar mínar úr handboltaliðinu með mér og þá var glatt á hjalla í Landrovernum hans pabba. Sungið hástöfum, svo mikið að einu sinni lá nærri að ég gleymdi að taka eina beygjuna Eskifjarðarmegin. Mig minnir að þá höfum við verið að syngja Áfram veginn.

SÍF kom með flugvél frá Flugsýn austur og sama flugfélag flutti liðin aftur til Færeyja. Keppt var í handbolta og fótbolta, auðvitað á malarvellinum, því ekkert íþróttahús var komið. Mikið jafnræði var með liðunum en mig minnir að við stelpurnar í handboltanum höfum haft betur. Verð að kíkja í bláu bókina til að skoða það. Þetta var kærkomin heimsókn ekki síst með tilliti til þess að Landsmótið var framundan og við höfðum ekki leikið síðan um haustið þegar við slógum HSÞ út úr keppninni!

Já, á 40 árum hefur mikið vatn til sjávar runnið. En ennþá eru samskiptin við SÍF traust og ennþá ríkir vinskapur sem er mér afskaplega dýrmætur. Við hittumst alltaf annað hvert ár og næsta sumar kemur SÍF hingað í heimsókn. Ég hef tekið þátt í öllum ferðunum að tveimur undanskildum og tekið þátt í móttöku þessara auðfúsu gesta alla tíð.

Þessi heimsókn leiddi til þess að Neskaupstaður og Sandavogur tóku upp vinabæjasamstarf sem ég vil meina að sé gert alltof lítið úr. Við eigum að horfa á ungmennaskipti varðandi skóla og sumarvinnu. Heimsóknir á menningarsviðinu, en það hefur nú reyndar verið gert, en af öllu þessu á að gera meira. Já sumarið sextíu og átta var eftirminnilegt sumar. Skrifa um Landsmótið um næstu helgi.

Ja, hvert í helv...

Konan sjötug, karlinn seldi allt sem þau áttu og tók að auki lán svo konan gæti gengist undir tæknifrjógun. Þau fengu tvíbura, stelpu og strák og karlinn alsæll með að hafa fengið strák, erfingja, og segir karlinn að nú geti hann dáið stoltur faðir. Hvað á sonurinn að erfa?

Sjötug og alsæl með tvíburana

Skerið undan þeim

Það á að taka svona menn og skera undan þeim. Það er margsannað að þeir menn sem gera svona nokkuð láta ekki staðar numið við eitt stúlkubarn. Þetta á jafnt við íslenska karlmenn sem þetta gera.

Barnaði 11 ára stúlku