Aldrei í fyrsta sæti

Þó þessi frábæra íþróttakona hafi náð í átta verðlaun á Ol. hefur hún aldrei verið í fyrsta sæti. Ég hef fylgst með henni alla tíð og geri enn og dáist að þrautseigju hennar og keppnisskapi. Ætlar hún að sanna að það sem fertugum er fært gerir fimmtugur betur?

Ottey á áttundu Ólympíuleikana?

Steinum kastað úr glerhúsi

"Ef ég væri venjulegur maður á landsbyggðinni..." segir Bubbi orðrétt. Fyrir mér hefur Bubbi alltaf verið venjulgur maður sem hér á árum áðum vann öll hefðbundin verkamannastörf. Hann er góður tónlistarmaður og eftir að hann hætti í "ruglinu" hefur hann komist í álnir enda lunkinn við að markaðssetja sig.  En Bubbi hefur ekki frekar en Björk eða Sigurrós, haldið tónleika gegn fátækt. Ég met það samt við hann að hann skuili viðurkenna þörfina á nýjum atvinnugreinum á landsbyggðinni - þó að þau tengist álveri.

Björk ætti frekar að syngja gegn fátækt

Þarf Davíð ekki hjálp líka?

Mér líst vel á að Tryggvi Þór Herbertsson hafi verið ráðinn forsætisráðherra til aðstoðar. Ég veit að hann kann sitt fag. En mér er spurn hefði ekki verið ástæða til að ráða einhvern til að fá seðlabankastjóra til að skilja...

Nauðsynlegt að ná niður verðbólgu

Grenja um mannin og tú verður eydnusom

Það er víða bloggað en á Íslandi, sennilega um heim allan. Ég skemmti  mér oft konunglega við að lesa tilskrifin sem koma á kvinnu.fo. Þar er ekkert verið að skafa utan af hlutunum og margt bráðskemmtilegt sem kemur fram, eins og þetta:

 Grenja um mannin og tú verður eydnusom!! (lukkulig) (glað) (forelskað) og alt, you name it!!! Tað er uppskriftin til eitt lukkuligt ektaskap, sum ikki endar í skillsmissu ! Tað er ótrúligt ? Síggja tit tað ikki sjálvar ?? Halda tit, at tað at grenja inn á mannin, er lukkan ??? Ja, eg haldi tíverri , at tað er soleiðis tað hongur saman. Eru allir menn reyvarhol, ella eru tað bara tit, sum hava eitt reyvarhol til mann, sum skriva inni her???? For ólukkan takið tykkum saman ! Ein maður ....... TÍN MAÐUR - er eitt livandi frítt menniskja (tað burdi hann verið). Hann hevur sál, likam og anda. Hann er IKKI ein dukka. Prøva at hugsa tær til, at hann, hvønn dag, hvørja stund, ORÐNAR tær, hvat tú skalt gera - og hvat tú ikki skalt gera - nær og hvar - hví og hvat !!!!!!!! Innast inni veitst tú, at tað er soleiðis tað hongur saman. TÙ VILT bestemma ALT! Oyðileggur tykkara forhold, fyri síðani at geva honum skuldina :(

Skjóta fyrst - spyrja svo

Það er átakanlegt að lesa fréttir sem þessar og það sem verst er Ísraelsher kemst upp með þetta.

„Ég ætti helst að skjóta ykkur“

Fyrir 40 árum

Í dag eru liðin 40 ár frá því að mitt lið, UÍA,  varð Landsmótsmeistari í handbolta. 13. Landsmót UMFÍ var haldið að Eiðum 13. og 14. júlí 1968. Ég var í landsmótsnefnd sem undirbjó þennan atburð og raunar fyrsta konan sem tók sæti í landsmótsnefnd. Undirbúningskeppni í boltaíþróttum fór fram hér eystra og eins fóru liðin norður í land og kepptu önnur lið sem vildu vinna sér keppnisrétt á mótinu. Úrslitin í undankeppninni í handbolta kvenna réðust á malarvellinum í Neskaupstað þegar við unnum  HSÞ en það lið var skipað stelpum úr Völsungi. Þessi úrslitaleikur var dramatískur. Norðanstelpurnar komu syngjandi Brúðarmarsinn inn á völlinn. Svo sigurvissar að það hálfa hefði verið nóg. Við skjálfandi á beinunum af hræðslu við þessar Valkyrjur. Leikurinn var spennandi frá upphafi til enda, Jafnt var á flestum tölum og þegar nokkrar sekúndur voru eftir fengum við víti. Ég fór á vítapunktinn skjálfandi á beinunum, hafði eytt allri minni orku í þann leiktíma sem liðinn var. Einn besti markvörður landsins stóð fyrir framan mig og ég hafði ekki kraft í fast skot svo ég vippaði boltanum yfir hana – og það var mark. Norðanstelpurnar fóru grátandi af velli en við fögnuðum ákaft.

Á Eiðum fór það svo að við urðum Landsmótsmeistarar nánast á jafn dramatískan hátt og við komumst í úrslitin. Þrjú lið kepptu um titilinn, UÍA, UMSK og UMSE. Það fór svo að markahlutfall réði úrslitum því öll liðin unnu einn leik og töpuðu neinum.

Komið gult, tilbúnir að hleypa af

Á svona maður ekki að vera lokaður inni? Hitler var talinn geðveikur og Bush er það líka. Þetta dekur við Ísrael er svo yfirgengilegt að engu tali tekur. En snýst þetta samt ekki fyrst og fremst um það sé hægt að framleiða nóg af hergögnum. Og hverjir framleiða þau, auðvitað Bandaríkjamenn. Ef ég mætti ráða þá ætti að loka Bandaríkjaforseta inni. Því miður þá er ég hrædd um að sama stefna verði í janúar ef Obama kemst að. Það vita allir að það er oft keyrt yfir á gulu ljósi svo í raun er Bush búin að gefa heimild til árásar. En af hverju ráða Bandaríkjamenn málum í Israel. Eru það ríkir amerískir gyðingar sem ráða för?

Bush gefur gult ljós á árás

Golf – golf – golf

Þessi helgi snýst um golf. Var á Seyðisfirði í gær og spilaði þar alveg eins og nýgræðingur. Er að fara á Ekkjufellsvöll núna í seinni helming Meistaramóts Austurlands. Völlurinn á Seyðis er erfiður. Hann er í halla og öll grínin halla undan fjallinu. Þá er hann þungur að ganga, mikill mosi í honum. En hann var betri í gær en á þriðjudaginn þegar við Steinunn fórum á hann, þurrari og betur hirtur.

Ekkjufellvöllurinn er erfiður. Ég man þegar ég var að fara þangað fyrst þá fannst mér hann ekki vera neitt annað en skurðir og lækir, hólar og hæðir sem erfitt var að komast yfir og að það þurfti að slá næstum yfir heilt “fjall” til að komast á sjöundu brautina! En hann er í fallegu umhverfi og er vinsæll meðal ferðamanna.

Það er eitt sem mér finnst stórskrítið í þessum klúbbum hérna á Mið-Austurlandi, það sjást varla konur að spila golf! Í Golfklúbbi Norðfjarðar eru 25 – 30 konur og þó þær séu ekki virkir keppendur þá taka þær virkan þátt í starfi klúbbsins. Er farin í Efra!

Það var þá einhvers að sakna

Ég get tekið undir með fyrrverandi Frakklandsforseta að matur sé í Englandi ekki góður, vægt til orða tekið. Þetta minnir á grín sem gert var að þeim þjóðum sem stóðu að stofnum Evrópusambandsins. Þar var m.a. sagt að eftir stofnunina yrðu Bretar matgæðingar sambandsins og Þjóðverjar skemmtikraftar.

Saknar breskrar matargerðar

Rölt um Neskaupsstað

Ég verð í þættinum hjá Jóni Knúti í dag. Hann var hér fyrir viku og tók upp talsvert af efni. Þetta er kynning á þættinum á vef RÚV:

Í dag fer Flækingur til austustu byggðar landsins, Neskaupstaðar. Neskaupstaður er nafnið á þéttbýli Norðfjarðar og kynna íbúar Neskaupstaðar sig gjarnan sem Norðfirðinga. Til að komast til þangað þarf að fara yfir Oddsskarð og niður Oddsdal áður en byggðin kemur í ljós. Í Oddsdalsmynninu hefur ökumaðurinn útsýni yfir sveitina og aðeins utar sér hann þéttbýlið meðfram strönd fjarðarins norðanmegin.