Það er rétt, það koma engar veimiltítur að austan

Það er gaman að fylgjast með Ástu Birnu og þeim framförum sem hún tekur. Ég man þegar hún kom fyrst á Grænanesvöll, allt hennar spil bar vott um fágun og við sem fylgdumst með henni vorum viss um að hún myndi ná langt.

Það er synd að golfvöllurinn við Djúpavog er ekki lengur í notkun. Þetta var skemmtilegur völlur og langt frá því að vera bara slegin tún. Áfram Ásta Birna.

Engar veimiltítur sem koma að austan

Donadoni hefur fengið pokann sinn

Tað hevur ligið í luftini seinastu dagarnar, og nú er tað so alment: Roberto Donadoni hevur fingið sekkin sum italskur landsliðsvenjari.                            

Gengishrunið 40% og 13% verðbólga

   Hagsmunir almennings skipta ríkisstjórnina og jafnvel sveitarstjórnir landsins litlu sem engu máli. Allar lagasetningar og reglugerðir miðast við það að vernda þessar stjórnir gegn almenningi. Þær taka það sem hentar þeim og skipta hagsmunir almennings þá engu máli. Það ástand sem nú er á fjármálamörkuðum landsins endurspeglar þessa skoðun mína.

   Dýralæknirinn sem er fjármálaráðherra segir að ástandið sé bara gott. Hann veit sjálfsagt ekki betur, kannski er hann símasambandslaus í sveitinni sinni, hver veit. Þegar fyrirtæki sem hafa haslað sér völl á erlendum mörkuðum láta í ljós þá skoðun að réttast væri að taka upp Evru, segir forsætisráðherra að til greina komi að taka upp bandaríkjadali!

   Ég hef ekki til þessa verið fylgjandi fullri aðild að Evrópusambandinu en þær aðstæður sem nú eru fá mig til að hugsa mig um. Ætli fólk geri sér almennt grein fyrir að krónan hefur veikst um 40% frá áramótum og verðbólgan nálgast hálfan annan tuginn? Samt tekur engin af skarið og fær úr því skorið hvort geti verið að bankarnir sem hafa grætt milljarða á gengisfallinu, eigi þar einhvern hlut að máli. Auðvitað er það svo en ríkisstjórnin heldur að það lagi ástandið að taka erlend lán til að baktryggja, hverja – auðvitað bankana.     

   Enn sem fyrr er mottó þeirra sem ráða að halda í gamla stjórnarhætti og tryggja með öllum tiltækum ráðum stöðu sína. Væri ekki ráð að fara aftur undir stjórn Dana?

Áfram Ísland

Það er mikið í húfi fyrir kvennalandsliðið í dag og ég er viss um að þær standast álagið sem því fylgir. Edda Garðarsdóttir er frábær leikmaður sem skilar alltaf sínu. Ég er svolítið montinn af stelpunni og þó ég hafi aldrei hitt hana finnst mér við Nobbarar eiga svolítið í henni. Það eiga Eyjamenn líka. Áfram ísland.

Edda Garðarsdóttir: Verð ekki vör við fordóma

Miði er möguleiki

Ekki einu sinni blaðamenn, hvað þá sauðsvartur almúginn kann að skrifa happdrætti rétt! Það er nær alltaf skrifað "happadrætti" og kannski er fólk að rugla saman happdrætti og happadrætti, sbr. happadráttur!!! Kannski er þetta allt saman einn og sami drátturinn!

Varað við SMS skilaboðum

Eins árs í dag!

Yngsti strákurinn í fjölskyldunni og yngsta langömmubarnið mitt er eins árs í dag. Þessi mynd af Guðmundi Steini og mömmu hans, Huldu Elmu var tekin á Spáni fyrir nokkrum vikum. Það hefði verið ljúft að vera með ykkur fyrir norðan í dag. Ástarkveðjur og hamingjuóskir, klem og knus.

Konunglegir gestir á Svalbarða

Tríggir norðurlendskir trúnarvingar njóta midnáttarsólina Í gjár hittust trúnarvingarnir danski Fríðrikur, svenska Victora og norski Haakon í Longyearbýnum á Svalbard. Í fimm dagar fara tey trý umborð á einum ísbrótara at sigla í økinum við Norðurpólin.  Tey koma at síggja ísfjøll, hval, kóp, roysningar, og uppliva eitt ríkt fuglalív á sjógvi sum á landi. Eisini reinsdjór fara tey at bera eyga við, tá tey sigla framvið strondini við Svalbard, veit danska blaðið BT at siga. Á ferðini skal nýggj teknisk útgerð roynast. Hetta er útgerð, sum ein bólkur av serfrøðingum skal brúka, á hann fer á kanningarferð um hesar somu leiðir seinni í summar.Tað eru longu fleiri ár síðani, svenska krúnprinsessan Victoria og danski krúnprinsurim Fríðrik fingu hugskotið at gera eina slíka ferð saman og heita á norska krúnprinsin Haakon um at koma við.

Hósdagin í komandi viku leggur ísbrótarin at landi í Nýggja Ålesund, har teir tríggir norðurlendsku trúnarvingarnir fara í land, skrivar blaðið.

Tekið úr Dimmu  

Sushi eða bjúgu, ég vil hvorugt

Ég veit ekki frekar en aðrir hvað framtíðin ber í skauti sér og finnst það bara gott. Mín skoðun er að almennt sé vel búið að eldri borgurm þessa lands þó lífeyrir þeirra mætti vissulega vera hærri. Í dag eru starfandi á landinu fjölmörg hagsmunafélög eldri borgara, það fólk kemur iðulega saman til að spila, hitta hvert annað, dansa og fara saman í ferðalög. Mér finnst þetta flottur félagsskapur. Hvenær verður maður svo gamall að þurfi að koma manni fyrir á stofnun er önnur saga, en það er nú oftast nær fyrir eitthvað annað en elli.

Ég er með tattú og ætla að fá mér fleiri, ég borða ekki tískuréttinn sushi og þegar ég les eða heyri fólk dásama hvernig og hvenær það hafa uppgvötað þennan guðdómlega rétt, hugsa ég alltaf til alkans sam sagði eftir fyrsta sopann; þetta er yndislegt, þetta ætla ég að gera sem fyrst aftur. Hann er dauður!

Húðflúr, sushi og bikinivax

Íslenska kvennalandsliðið frábært

Íslenska kvennalandsliðið í knattspyrnu tryggði sér í dag annað sætið í sínum riðli og þar með réttinn til að taka þátt í umspili um laust sæti í lokakeppni EM 2009. Leikurinn í dag var hreint út sagt frábær og réðu íslensku stelpurnar gjörsamlega gangi leiksins. Þær serbnesku voru eins og illa skorin kjötstykki á vellinum, vælandi og skælandi ef við þær var komið.

Þetta þýðir þó ekki að næstu leikir gegn Grikklandi og Frakklandi skipti ekki máli því að bæði á íslenska liðið ennþá möguleika á að vinna riðilinn og fara beint í úrslitakeppnina og eins geta stigafjöldi og markatala skipt miklu þegar kemur að andstæðingum í umspilinu.  

Fyrir leikinn var vonast til þess að áhorfendametið sem var sett í leiknum gegn Serbíu fyrir ári yrði slegið en svo var ekki og áhorfendur í dag voru aðeins tæplega 4000, það hefði verið gaman að sjá fleiri áhorfendur. Það sem vekur furðu mína varðandi þátt KSÍ er að á sama tíma og leikurinn fór fram voru settir á leikir í 2. og 3.deild karla og 1. deild kvenna auk þess sem nokkrir leikir voru spilaðir í yngri flokkum. Þetta hefði ekki gerst ef karlalandsliðið hefði verið að leika, það fullyrði ég.

 

Liðið mætir Grikkjum á Laugardalsvelli á fimmtudaginn og það er skyldumæting þeirra sem búa á stór-Reykjavíkursvæðinu.

 

Æ, æ. Rússar unnu Hollendinga en það verður að segjast eins og er að það var verðskuldað.

Vonsvikinn Rafael van der Vaart

Til hvers, af hverju, hvað lengi?

Ég kveiki stundum á sjónvarpsstöðinni Sky News á morgnana. Fátt hefur verið meira um rætt á þeirri stöð undanfarið en stríðið í Afganistan og þátttaka Breta í því. Í morgun var sjónvarpað beint frá Sunderland, frá útför 19 ára gamals hermanns sem féll í Afganistan. Í gær var fjallað um fyrstu konuna sem fellur í stríðinu þar, 22 ára gamla breska konu. Rætt við foreldra hennar og vini. Hvort tveggja var reglulega átakanlegt.

Í morgun var og sjónvarpað beint frá átakasvæði í Afganistan og rætt við einhvern háttsettan sem segir að hermennirnir spyrji: af hverju, hvers vegna og hvað lengi. Þátturinn sem þetta kemur fram í heiti Queen and country.

Eftir að hafa fylgst með öðruvísi fréttum en við fáum hér heima af ástandinu þarna þá er mér spurn eins og bresku hermönnunum. Til hvers, af hverju, hvað lengi? Hagsmuni hverra eru Bretar að gæta í Afganistan, er réttlætanlegar þær fórnir sem þeir hafa þurft að færa þar en þær hafa verið óvenju margar að undanförnu.

Mér er minnistæður sleikjurnar í Blair við Buch og nú hefur Brown tekið við. Báðir þessir stjórnmálaforingjar hafa verið og eru leiðtogar Verkamannaflokksins. Halda þeir virkilega að þetta sé það sem breskur almenningur vill?

Þetta vekur mig til umhugsunar um íbúalýðræði en það er einmitt könnun sem er að fara af stað hér á landi. Mér finnst íslenskir stjórnmálamenn hvar í flokki sem þeir standa farnir að líkjast æ meira forpokuðum erlendum stjórnmálamönnum sem sjá ekkert annað en boruna á sjálfum sér.