Sérstakt Microsoft gengi

Er ekki hugsanlegt að fleiri umboðsaðilar hér á landi geti farið sömu leið og Microsoft? Ef þetta fyrirtæki getur verið með lægra evrugengi en seðlabankinn hlútur að vera, upp til hópa, óeðlilega mikil álagning á vörur til neytenda. Að miða við gengið 145 léttir undir með íslensku efnahagslífi og þýðir áframhaldandi gjaldeyrissparnað í hugbúnaðarviðskiptum hér á landi. Hvað með vörur t.d. til íslenskra sjávarútvegafyrirtækja?

Gengi evrunnar 145 krónur hjá Microsoft

Dj... karlremba

Það er með ólíkindum að árið 2010 skuli "karlmaður" halda slíku fram. Hann er að vísu ekki að segja að forsetinn hefði átt að nýta sér tengsl Dorritar en það væri betra ef hann hefði gert það. Í huga þessa manns er staða konunnar eins og hún var fyrir áratugum síðan. Hvað skyldi hann hafa unnið til þess að vera þar sem hann er? Notaði hann kannski tengsl eiginkonunnar?

Ætti að nota tengsl Dorritar

G blettur eða súkkulaði!

Er það í svona vitleysu sem peningunum er eytt? Því hefur verið haldið fram, bresk rannsókn, að 50% breskra kvenna taki súkkulaði fram yfir kynlíf.  Hvað getur þá verið að marka þessa leit að G blettinum? Ekki nema þær japli á súkkulaði á meðan leitin fer fram!

G-bletturinn finnst ekki

Átta svartstakkar

Ég vakti athygli á því á bloggi aftar á þessari síðu að allir sem afhentu forsetanum undirskriftarlistana vegna InDefence voru karlar. Það stakk mig verulega að sjá þá alla sem einn á Bessastöðum, allir dökkklæddir og minntu  óneitanlega á svartstakka. Nú hefur komið í ljós að margar undirskriftirnar voru ekki  settar inn með samþykki  viðkomandi.

Ekkert við frestinum að gera

Karlar, ó karlar

Átta forsvarsmenn InDefence undirskriftasöfnunarinnar þeir Jóhannes Þ. Skúlason, Eiríkur S. Svavarsson, Magnús Árni Skúlason, Davíð Blöndal, Ólafur Elíasson, Sigurður Hannesson, Ragnar Ólafsson og Agnar Helgason afhentu Ólafi Ragnari Grímssyni, forseta Íslands, undirskriftalistana. Á listunum voru undirskriftir 56.089 Íslendinga sem skrifuðu undir áskorun þess efnis að hann synji nýjum Icesave lögum staðfestingar.

Það vekur athygli mína að engin kona virðist vera í forsvari þessa InDefence hóps. Kannski telja forsvarsmenn hópsins að karlar séu betur til þess fallnir en konur að koma Íslandi á réttan kjöl. Það voru jú karlar sem hvolfdu skútunni.

Harðnar á dalnum
og þó er einsog sum hús séu vel byrgð
ógrynni fjár ógrynni kynlegs silfurs
þekur túnbleðlana einsog sandrof
útlendíngasnjór
segja börnin og þora ekki að snerta
nema sum fyrir áeggjan miðaldra feðra

Þorsteinn frá Hamri

4 stjórnarþingmenn skrifuðu undir

Sjá roðann í austri...

Svona hafa morgnarnir verið á öllum Austfjörðum að undanförnu og firðirnir skartað sínu fegursta. Spurt er hvort viðeigandi sé að syngja; Er roðinn úr austrinu brýtur sér braut boðar dýrðlegan öræfadag! En fallegir eru firðirnir og fallegt er á fjöllum.

Morgunroði yfir Fáskrúðsfirði

Ekkert á milli eyrnanna á honum

Það er með ólíkindum að formaður stjórnamálaflokks, sem vill vel að merkja láta taka mark á sér, skuli koma með svona sem hann kallar staðreynd. Mér fannst Skaupuð í lagi  - ekkert meira, en formaður Framsóknarflokksins var eins og hann er.

„Útilokað að hann geti staðfest lögin“

Tengdasonurinn fljótur að fá vinnu

Embætti Lundúnaprests var lagt af á árinu og séra Sigurður Arnarson sneri heim. Sigurður er tengdasonur Karls Sigurbjörnssonar, biskups Íslands.

Þótt erfitt sé fyrir presta að fá brauð í dag gekk séra Sigurði ágætlega að fóta sig í íslensku prestakalli. Hann sótti um og fékk Kársnesprestakall í Kópavogi. Að sjálfsögðu snerist það mál ekkert um þá staðreynd að hann er tengdasonur hæstráðanda Þjóðkirkjunnar, eða er það?

Háleit markmið - en marklaus.

Margar gamlar lummur voru í máli Jóhönnu. Auðvitað er það sjálfsagt Jóhanna að vatnið sé þjóðareign. En er fiskurinn í sjónum við Ísland það ekki líka? Og hvað hefur almenningur grætt á því. Fiskurinn í sjónum er seldur eða leigður óveiddur, vatnið mun sjálfsagt renna í flöskur einhverra auðmanna.

Krefjumst ábyrgra fyrirtækja

Á ríkið ekki...

Á ríkið ekki í Íslandsbanka? Af hverju skyldi það koma Steingrími J á óvart að Árni Tómasson hafi verið skipaður í stjórn bankans. Hvað með flakk Jóns Sigurðssonar á milli nefnda og stjórna?

Steingrímur furðar sig á skipan í bankastjórn